Til hamingju Ísland

Þetta þokast - erkiafturhaldið tekur nokkur brjálæðisköst og blæs í lúðra. En skynsemin hefur yfirhöndina að lokum.

Blásum í herlúðra

Athugasemdir

[Sigurður Haraldsson, 17.6.2010 kl. 17:17]

Sorgardagur fyrir lýðræði okkar og það á sjálfan þjóðhátíðardaginn skömm að þessu!

[Kristján Ottó Andrésson (IP-tala skráð) 17.6.2010 kl. 18:19]

Ég þekki þig og kann ágætlega við þína kaldhæðni og prakkaraskap en að venju geturðu ekki stillt þig um að senda pillur til þeirra sem ekki deila þínum skoðunum.Margir halda ekki vatni yfir því að ESB skildi taka formlega afstöðu til umsóknar Íslands í dag, 17. júní.  Þetta er ekkert annað en heimóttarskapur.  Það væri fróðlegt að sjá yfirlit hvaða ákvarðanir hafa verið teknar af þýðingarmiklum stofnunum á merkisdögum annara þjóða í gegnum tíðina.  Við sem störfum m.a. við innflutning vita það að ítrekað þurfum við að skýra út íslenskar reglur.  Ég segi gjarnan að Ísland vilji að ESB og aðrir aðlagi sig að íslenskum reglum.Mér er ómögulegt að skilja hversvegna fólkið sem við höfum valið til forystu getur ekki farið með krafti og einurð í samningaviðræður við ESB.  Það er margt að sækja og margt sem þarf að forðast.  Þetta vita allir.  Samningur verður svo auðvita borinn undir þjóðina.Mér dettur í hug samlíking.  Hvað fyndist mönnum ef Rafiðnaðarsambandið lýsti því yfir að þeir höfnuðu kjarasamningum 2015, samningi sem engin veit hver er?  Fólk hefði talið að þeir hefðu fengið straum í sig og væri ekki sjálfrátt.Ég læt þetta duga í bili.

[Hjálmtýr V Heiðdal, 17.6.2010 kl. 22:04]

Sigurður syrgir saurgun dagsins. Ég sé þetta með öðrum bjartari augum. Ég gleðst en hann sýtir.

Sæll Ottó.

Auðvitað segir þjóðinn sína skoðun í atkvæðagreiðslu - hinir heimóttarlegu geta ekki komið í veg fyrir það.

ESB er ekki himnaríki eða helvíti - það vitum við. En dómsdagspredikararnir eru fremur einhliða. Góð samlíking með óséða kjarasaminga

[Vilhjálmur Örn Vilhjálmsson, 18.6.2010 kl. 05:01]

Þú ert ekki enn kominn í ESB. Njóttu þess þangað til það skellur ár. Þetta er greinilega útópíuþráhyggja hjá þér, eins og stuðningurinn við hryðjuverkasamtök.

[Björn Heiðdal, 18.6.2010 kl. 09:40]

Meðan Samfokkið stjórnar og þjóðin á móti verður engin atkvæðagreiðsla.  Starfsmönnum ESB dettur ekki í hug að gera bjölluat hjá vinnuveitandanum sínum.  Spurning hvort starfsólki ESB í hinum hálvitaflokkunum dettur í hug að gera bjölluat?

[Hjálmtýr V Heiðdal, 18.6.2010 kl. 14:22]

Villi og Björn frændi eru nokkuð fyrirsjánlegir. Villi er fastur í stuðningi við hryðjuverkaríkið ísrael og Björn trúir þvú versta uppá alla.

[Björn Heiðdal, 19.6.2010 kl. 11:20]

Lestu þetta kallinn:

http://kryppa.com/oge%C3%B0slegar-lygar-um-esb-ojjjj/

Ég held að þú verðir að koma til dyranna eins og þú ert klæddur, Týri.  Viðurkenna áhuga þinn á einni miðstjórn í anda Sovétríkjanna en þó með bættu og mildara sniði, svona til að byrja með.  Ekkert til að skammast sín fyrir og alveg í takt við gömul og góð gildi frá þínum yngri árum.  Meiri miðstýring og meira gaman, það er sko BEST!"!!""""1*!

[Gunnar Jóhannsson (IP-tala skráð) 22.6.2010 kl. 01:56]

Hæ Týri,

Ég hélt að þú myndir hafa vit á að halda þig til hlés í þessari umræðu því sjaldan eða aldrei hefur málstaður ESB sinna verið veikari.  Einu sinni hömruðu ESB sinnar á því að aðild myndi lækka matarverðið svo mikið (á meðan krónan var við heilsu).  Þau rök voru dauðadæmd frá upphafi enda þurfum við ekki ESB til að lækka matarverð á Íslandi.  Svo þegar krónan veiktist snerist málflutningurinn yfir í nauðsyn þess að fá stöðuga mynt.  Það blæs byrlega fyrir evrunni þessi misserin og þeim fjölgar daglega sem telja hana ekki eiga sér bjarta framtíð.

Nú má velta fyrir sér skynseminni í aðild miðað við stöðuna sem upp er komin.  Það er nýbúið að samþykkja neyðaraðstoð til handa Grikkjum.  Spánn er sagður á barmi þess að þurfa slíka aðstoð.  Forsætisráðherra Spánar segir landið í góðum málum.  Það sögðu ISG og GH líka. 

Nú fjarar hratt undan ESB sinnum á Íslandi enda hafa þeir haldið sig til hlés flestir.  Staðan hlýtur að vera orðin nokkuð alvarleg þegar Össur er farinn að míga utaní Framsóknarflokkinn með að koma inní ríkisstjórn.  Ég vona að svo verði ekki en bíð þó spenntur eftir þínum viðbrögðum við því ef af verður.

ps.  ég kaus næstbesta flokkinn síðast.

[Hjálmtýr V Heiðdal, 22.6.2010 kl. 09:38]

Sæll Gunnar

Mitt vit er ekki meira en dæmin sanna. Það er skondið að sjá þig og aðra ESB-andstæðinga á Íslandi setja saman lista yfir misjafnt ástand efnahagsmála hinna ýmsu Evrópuþjóða. Ég er bráðum 65 ára og hef siglt þann ólgusjá sem íslenskt efnahagslíf hefur boðið uppá. Það er því hlægilegt í mínum augum að sjá íslenskan karlmann með fullu viti (að áliti ókunnugra a.m.k.) telja upp misgengi efnahagsmála hjá öðrum þjóðum. Þú verður að gera þér grein fyrir því að það liggur í eðli kapitalismans að „fara upp og svo niður“. Evrópuþjóðir hafa búið við miklu meiri stöðugleika en við vesalingarnir. Efnahagsundur Sjálfstæðisflokksins og Framsóknarflokksins reyndist vera loftbóla - fór upp - sprakk og féll niður.

Svo lýsi ég sérstakri ánægju með þá staðreynd að Framsóknaflokkurinn á ekki neinn fulltrúa í borgarstjórn Reykjavíkur.

[Gunnar Jóhannsson (IP-tala skráð) 23.6.2010 kl. 02:03]

"Evrópuþjóðir hafa búið við miklu meiri stöðugleika en við vesalingarnir."  Ert þú þá að tala um það sem kost að búa við stöðugt atvinnuleysi eða stöðuga fátækt o.s.frv.?  Er hægt að tala um Evrópuþjóðir sem einhverja einingu eða heild?  Eru ekki margar evrópuþjóðir sem búið hafa við mun verri kjör en við?  Þú getur ekki notað þinn háa aldur :-) til að meta heilsu evrunnar og horfur hennar til framtíðar enda er hún barnung.  Hitt er þó víst að hún hefur ekki reynst sú töfralausn sem menn vonuðust til að hún yrði t.d. á Spáni og Portúgal heldur þvert á móti.

Sem betur fer er stærstur hluti þjóðarinnar búinn að átta sig á þessu og mun nær örugglega kolfella þessa vitleysu þegar þar að kemur.

[Hjálmtýr V Heiðdal, 23.6.2010 kl. 08:24]

Evrópuþjóðir jafn misjafnar og þær eru margar. Það er kosturinn við Evrópusambandið, fjöldi ólíkra þjóða leggur saman krafta sína og leitast við að þróa mál til betri vegar. Sambandið varð til m.a. vegna þess að að ófriður á sviði efnahagsmála og bein stríðsátök, þar sem vopnum var beitt, stóðu álfunni fyrir þrifum. Núna erESB bæði efnahagslegt og menningarlegt ríkjasamband sem einnig tekur til öryggismála.

Stöðugleiki á sviði efnahagsmála er og verður meiri í ESB en hér. Frávik eru auðvitað og hér líka - við höfum lifað góða tíma og slæma. Krónan er vandamál - nú lifir hún með belti, axlabönd og nálgunarbann. Það eru ekki til neinar töfralausnir Gunnar minn - hvorki í gjaldeyrismálum eða öðrum málum. Það er alltaf blekking ef menn byrja að trúa slíku.

Þú vitnar í skoðanakannanir - hvaða könnun? Það eru til nokkrar sem sýna að meirihluti þjóðarinnar vill fara í aðildarviðræður - og svo aðrar sem sýna hið gagnstæða.

[Björn Heiðdal, 24.6.2010 kl. 22:10]

Öfugmælavísur frænda míns halda áfram í hvert skipti sem Gunnar Jóhannsson kinkar kollinum.  Hann virðist ekki vita að ESB er reglugerðabatterí sem leitast við að steypa þjóðlöndin í sama mótið!  Það sem Hjálmtýr segir gott finnst ESB vont.  En auðvitað skipta svona öfugmæli engu einasta máli í huga Týra því hann vill í ESB sama hvað það kostar.  Evra eða ekki evra er bara fyrir þessa óákveðnu sem hafa enga trúarsannfæringu.  Týri færi í samband við sambandið þó þeir tækju um kínverska jújúið eða segðu öllum að tína bara laufblöð á tjánum til að borga með.

Hann er svo heitur í sínum trúarhita að skítleg framkoma ESB gagnvart Gazabúum flokkast undir tæknileg mistök eða eitthvað álika.  Samstarf ESB við Ísrael í varnar- og öryggismálum er meira að segja eitthvað göfugt og jákvætt í hans kokkabókum. 

Það kann vel að vera að hugsjónin um að lönd og fólk eigi að vinna saman sé það sem keyri ESB blinduna áfram hjá Týra frænda.  En öllu verra er ef hann er virkilega sammála varnar- og öryggistefnu ESB og nánari tengslum við Ísrael.  Þá held ég að hann eigi að láta skoða hausinn á sér eða fara á netið og kynna sér þessi mál.  

[Hjálmtýr V Heiðdal, 24.6.2010 kl. 22:46]

Það er gott að hafa Björn frænda sem talsmann ESB andstæðinga. Þá verður svo augljóst að málstaður þeirra er ekki upp á marga fiska.

[Björn Heiðdal, 25.6.2010 kl. 10:47]

Vá, það er gott að hafa Týra sem talsmann Palenstínu á Íslandi.  Þá verður svo augljóst að málstaður þeirra er ekki upp á marga gullfiska.