Þjóðin á leik í skrítnu tafli

Það fer að verða áleitin hugsun að það hefði verið best fyrir þjóðina að fyrsta útgáfa Icesave hefði farið í gegn og málið frágengið.

Vissulega hefði greiðslubyrðin verið þung og áhættan mikil en kanski ekki í samanburði við það sem nú getur orðið ef allt fer á versta veg.

Nú er „þjóðin með löggjafarvaldið“ eins og forsetinn túlkar málið og þjóðin virðist að stórum hluta vera á bandi mannsins sem sagði „við borgum ekki skuldir óreiðumanna“. Óreiðumennirnir voru að vísu margir meðal bestu vina þessa manns og sjálfur skildi hann eftir óreiðuskuldir sem þjóðin borgar.

Nú er eina vonin sú að þjóðin sjái að vitleysunni verður að ljúka. En vonin er veik.

Athugasemdir

[Sigurður Haraldsson (IP-tala skráð) 21.2.2011 kl. 10:43]

ég er með tillögu. Þeir sem vilja borga skuldir óreiðumanna geta hakað við á skattframtalinu sínu og valið allt á milli Svavarssamnings og þess sem er núna.  Ef það verður svona miklu betra eftir að við borgum það sem okkur ekki ber þá fá þessir aðilar skattaafslátt upp á 40% í 5 ár eftir 35 ár. Er það ekki flott lausn eða er hún jafnmikið bull og það að almenningur borgi tap einkavædds gróða???? Það er komið að því að menn standi í lappirnar og hendi handónýtu peningakerfi út á hafshauga og hætti að mæla allt í evrum og vaxtaprósentum.  Metum samstöðu meir heldur en að hlaupa eftir þessari vitleysu mínutunni lengur.

Sigurður Haraldsson

[Kristinn J (IP-tala skráð) 21.2.2011 kl. 10:47]

Langar til að gera mína fyrstu og síðustu færslu á bloggið þitt og spurja.

Hjálmtýr; ert þú og þínir ekki einfaldlega í leik í skrítnu tafli ?

Plís; ekki bendla mér við þetta meinta skrítna tafl

[Ásthildur Cesil Þórðardóttir, 21.2.2011 kl. 11:10]

Tek undir með Sigurði og Kristni hér.

[Hjálmtýr V Heiðdal, 21.2.2011 kl. 11:11]

Sigurður - það er enginn sem hefur sérstakan áhuga á að borga skuldir óreiðumanna - hvorki Björgúlfa eða Davíðs Oddsonar. En þú verður að gera þér grein fyrir að þjóðin mun borga Icesave fyrr eða seinna og í einhverju formi. Ég skil ekki hvernig menn komast framhjá þeirri staðreynd þegar menn fjalla um málið . Ef þetta verður ekki uppgert með samningi, eins og þeim sem nú liggur fyrir og 70% þingsins samþykkti, þá verður þetta greitt með verri lífskjörum og atvinnuleysi. Þetta er ekki hræðsluáróður þótt þú teljir efalaust svo vera.

Ekki sleppur þú við að borga gjaldþrot Seðlabankans - ekki sleppur þú við að borga hækkaða skatta og hækkað útsvar vegna þess að þjóðarbúið hefur orðið fyrir miklu áfalli. Þú gætir m.a.s. misst vinnuna og greitt með þínum eignum sem þú kanski missir.

Það er skiljanlegt að margir einblíni á Icesave því að það er eina málið sem menn geta nú kosið um. Þó er kosningin ekki um það að borga eða borga ekki. Hún snýst bara um það hvort þú vilt borga samkvæmt núverandi samningi eða með einhverju öðru - atvinnuleysi-stöðnun eða einhverju leiðindaformi öðru Mér þykir það leitt -en svona er lífið hart.

[Hjálmtýr V Heiðdal, 21.2.2011 kl. 11:14]

Já Ásthildur - það er auðvelt að vera sammála Sigurði og Kristni þegar allri rökhugsun er sleppt og bullið yfirtekur. En þú verður bara að bíta í það súra að þeir eru ekki að ræða málið eins og það er í pottinn búið.

[Ómar Bjarki Kristjánsson, 21.2.2011 kl. 11:53]

þjóðin mun í raun borga meira með því að borga ekki.

þeir sem því garga og gala hæst á togum ,,borgum ekki",  ,,borgum ekki" - þeir eru í raun að segja að þeir vilji borga sem hæst gjald fyrir skuldir óreiðumanna.  Og ennfemur leggja sem hæst gjald á framtíðarkynslóð eða  ,,börnin okkar" eins og í tísku er að segja.

[Stefán Júlíusson (IP-tala skráð) 22.2.2011 kl. 08:20]

Ég held að hluti þjóðarinnar skilji ekki muninn á skuldabréfum og einstaklingum. Ef fólk þekkti muninn þá væri ekki þetta rugl í gangi.

Við verðum að greiða innistæður allra þeirra sem voru með peninga í íslenskum bönkum. Það skiptir ekki máli hvar þeir eru skráðir með lögheimili.

EES gerði bönkunum mögulegt að taka innistæður frá Hollendingum og Bretum. EES er ekki slæmt, en menn verða að skilja reglur leiksins.

Auðvitað segi ég "já" í þjóðaratkvæðagreiðslunni.

[Svanur Gísli Þorkelsson, 22.2.2011 kl. 10:10]

Icesave er orðið að þráhyggjumettuðu Frankenstein mellodrama meðal þjóðarinnar. Múgurinn skekur hvíslarnar og öskrar og inn í þinghúskastalanum öskrar skrímslið á móti. Það er saklaust en samt hættulegt.

Skapari þess er sturlaður og getur ekki hamið það. Fólkið er hrætt en hefur aðeins sjálfskipaða munndimma móðursjúka kyndilberana til að leiða sig. Rétt og rangt er hætt að skipta máli því fáir vita alla málvöxtu og fæstir mundu hvort eð er nenna að reyna að skilja þá. -

Allir að elta skrímslið það verður að drepa það. Á meðan liggja akrarnir ósánir og búpeningurinn eigrar um óhirtur. En hey, skrímslið er vont, það drap litlu saklausu telpuna (Ingibjörgu Sólrúnu) og blinda einsetumanninn í skóginum. (Geir Haarde)

[Björn Heiðdal (IP-tala skráð) 22.2.2011 kl. 16:18]

Ég veit stundum ekki hvort Hjálmtýr er að grínast eða reyna skrifa efnislega um mál eftir bestu getu.  Málið er ekki hvort við borgum eða borgum ekki.  Heldur hvort þrotabú Landsbankans á fyrir þessu og hvað með eftirstöðvarnar ef einhverjar verða.  A.m.k. er það minn lesskilningur og ég held að hann sé nokkuð réttur.  Samt eru margir að jarma þennan kór, borgum eða borgum ekki.   

Svo mætti Hjálmtýr og fleiri svara því hvernig þetta Icesave mál hefur hitt þá persónulega í hausinn.  Ég hef ekki fundið fyrir neinu, kannski MM og með peanutbutter, djók.  Það er víst eitthvað EES reglu- og merkingabull.  Hefur einhver tapað peningum á synjun forsetans, hefur einhver misst aleiguna eða hluta hennar?

Auðvitað ekki, Kúba norðursins er heima hjá Hrafni G. en ekki hjá mér.

[Hjálmtýr V Heiðdal, 22.2.2011 kl. 16:39]

Það er ekki laust við að það gæti hroka í skrifum þínum Björn frændi. Ég veit að þitt æðsta markmið þitt er að vera fyndinn og jafnframt að sýna að þú hafir yfirsýn og vit á málunum.

En það vantar kanski viðurkenningu á að aðrir geti haft vissar grundvallarskoðanir sem ekki finnast alltaf í daglegri líðan eða þykkt buddunnar.

Forsetinn er lýðskrumari og tækifærissinni og það geta orðið fjárhagslegar afleiðingar af aðgerðum hans - nema þjóðin taki skýra afstöðu og leysi þetta mál með samþykkt samninganna sem nú liggja fyrir. Skoðanakönnunin sem var gerð í gær sýndi tæp 60% með skýra hugsun og ég vona að það eigi bara eftir að fjölga í þeim hópi.

[Björn Heiðdal, 22.2.2011 kl. 17:30]

Týri, þú notar samt í þessu máli rök buddunnar hvað sem hroka og brandaragangi mínum líður.  Annað sem ég skil ekki ef þú meinar að þú sért með prinsip skoðanir óhóð afleiðingum í daglegri líðan eða þykkt buddunnar.  Hvers vegna þú vilt ekki borga allt í botn ef það verður niðurstaðan úr töpuðu máli?

Síðan ætti að borga öllum sem lögðu inn á Icesave á Geurnsey og öðrum aflandseyjum breska heimsveldisins.  Svona upp á prinsippið og sanngirni gagnvart því fólki.  Ég meina þetta!