Upp og niður

Það birtist nýyrði á forsíðu Fréttablaðsins í dag: UPPKOSNING. Í fávisku minni þá kannast ég ekkert við orðið, skildi hvorki upp né niður!  

En sem betur fer fylgdi skýring frá blaðamanninum bþs: „að kosið yrði á ný“. Hann var sem sagt að tala um endurkosningu vegna stjórnlagaþings.

Ef það fer fram „uppkosning“ þá hlýtur að fara fram upptalning á atkvæðunum. Allavega er reynslan sú að það sem fer upp kemur að lokum niður. Í „uppkosningu“ kemur þá væntanlega niðurstaða eftir „niðurtalningu“. Eða þannig. 

Athugasemdir

[Jón Dan (IP-tala skráð) 23.2.2011 kl. 12:13]

Drjúgur

[Gunnar Heiðarsson, 24.2.2011 kl. 21:42]

Það er ýmiislegt fleira sem er þá upp. Menn upporða sig, fréttir eru stundum uppsagðar, og sjónvarpið er drjúgt við að uppsýna ýmsist efni.

Svona orðskrípi er til skammar. Íslenskan er fallegt og fjölbreitt mál, það er engi ástæða til að eyðileggja hana með svona orðskrípum.

[Hjálmtýr V Heiðdal, 25.2.2011 kl. 09:51]

Maður verður frekar uppgefinn þegar svona orð skella á vitundinni.