Virðing og velsæmi

Getur maður sagt við forseta Íslands: „Æi - éttan sjálfur“?

Ég er farinn að hallast að því.

Nú höfum við forseta sem vill ekki vera forseti allra landsmanna - mann sem tekur eigin hagsmuni og sérhagsmuni fram yfir almannahagsmuni. Hann er í stríði við þingræðið - hann er í baráttuham og þylur upp samsæriskenningar.

Virðingin fyrir honum og embættinu þverr.

Athugasemdir

[Björn Heiðdal, 15.5.2012 kl. 09:20]

Hvað finnst þér um Ara Trausta.  Yrði hann góður forseti og kannski betri en Þóra?

[Hjálmtýr V Heiðdal, 15.5.2012 kl. 09:43]

Ég var í maóistasamtökum með Ara Trausta. Hann er ágætur - en Þóra hefur vinninginn.

[Björn Heiðdal, 15.5.2012 kl. 13:56]

Þú þekkir kallinn þá en ekki Þóru?  Hann hlýtur að vera slappur fyrst þú tekur frambjóðanda sem þú þekkir ekki persónulega fram yfir Ara.  Af hverju viltu barnungan forseta með fullt af smábörnum sem þú þekkert ekki fram yfir gamlan félaga og samstarfsmann.  Það er einhver lykt af þessu, kannski ilmvatnslykt.  Hún er ekki einu sinni í Samfylkingunni og hefur ekki skoðun á ESB

[Anna Sigríður Guðmundsdóttir, 15.5.2012 kl. 22:36]

Þóra Arnórsdóttir er ekki í framboði, heldur staðgenglar hennar meðan hún er í fæðingarorlofi. Það eru Ásta Ragnheiður bjöllu-leikari alþingis og Jóhanna Sigurðardóttir, sem er kölluð forsætisráðherra.

Það er óheiðarlegt að etja Þóru Arnórsdóttur í svona leðjuslag, þegar hennar bíður miklu innihaldsríkara og göfugra starf, sem er að vera virk móðir nýfædds barns hennar og Svavars.

Svavar Halldórsson ætti að velta þeirri staðreynd fyrir sér, og vernda sína góðu konu fyrir svona ágjöf frá öfga-ESB- stjórninni, sem ráðskast með allt lifandi á Íslandi, eins og það sé þeirra einkaeign.

M.b.kv.

[Gunnar Jóhannsson (IP-tala skráð) 16.5.2012 kl. 00:15]

Týri, hér er ekkert raunverulegt þingræði og hefur aldrei verið. Hér höfum við ofurvald framkvæmdavaldsins og foringjaræði. Þingmenn eru hvað eftir annað kúgaðir til að breyta gegn eigin samvisku. Þetta hélt ég að þú vissir.

ÓRG er í stríði, en hann er varnaraðilinn. Árásaraðilinn eru stjórnvöld og fjölmiðlar. Og hver er glæpur mannsins? Var glæpurinn að svara kalli almennings? Þetta er kannski munurinn á hægrimönnum og vinstri. Þegar ÓRG hafnaði fjölmiðlalögunum orsakaði það smá pirring í nokkra daga og svo var það búið. En þegar gert er á hlut vinstri manna vekur það upp andúð og hatur og almennan ljótleika í garð náungans, enda eru vinstrisinnaðir yfirleitt ofgafyllri á allan hátt og styttra í ofstækið.

kv

GJ

[friðrik guðmundsson (IP-tala skráð) 16.5.2012 kl. 02:40]

sko hún Anrdea er alveg ofboðslega falleg og laus við sjónvarpshégóma verulega töff kona.

afhverju viltu barbí þegar þú getur fengið alvöru konu sem forseta með bein í nefinu.ha?

[Sandy, 16.5.2012 kl. 07:01]

Ég man ekki betur, en að fyrir hrun hafi margir svarað því til þegar þeir voru spurðir út í forsetaembættið að þeir vildu leggja það niður því við hefðum ekkert við það að gera og kostaði þjóðina of mikið. Það er nákvæmlega það sem ég vildi líka ef Þóra kemst til valda á Bessastaði, við höfum lítið við forseta að gera sem ekki vill hlusta á kall þjóðar sinnar um atkvæðagreiðslu, sama hversu arfavitlausar ákvarðanir sitjandi ríkisstjórn tekur, ríkisstjórn sem hugsar bara um sér hagsmuni en ekki hagsmuni þjóðar sinnar. Þóra hefur þegar líst því yfir að hún telji að forsetaembættið ætti frekar að vera sameiningartákn en eitthvað annað.

Ég vil forseta sem fylgist með þjóðmálunum og sem er tilbúin að grípa inn í ef sitjandi ríkisstjórn er að taka einhverjar þær ákvarðanir sem kosta þjóðina lýðræðið, of mikla peninga á kosnað almennings, stiður þjóðina í fiskveiðideilum við erlend ríki, hugsar um hagsmuni okkar á Norðurslóðum ásamt mörgu fleiru. Allt þetta getur og gerir Ólafur Ragnar vel að merkja án tiltals frá núverandi ríkisstjórn enda er hún bara að hugsa um að hnýta eigin skóþveng.

[Björn Heiðdal, 16.5.2012 kl. 23:29]

Gísli Marteinn, Þóra Arnórsdóttir, Bjarni Ben og Guðmundur Steingrímsson eru alveg örugglega allt voða fínt fólk.  En getum við ekki gert aðeins betur þegar kemur að æðstu embættum þjóðarinnar.  Ég ætla að kjósa Hjálmtýr Heiðdal svo mér verði boðið í mat á Bessastöðum en bara ef ég verð stilltur.