Ferð til fortíðar

Ég tók þessar mynd í miðbænum þegar gömlu járnbrautarteinarnir frá 1913 komu í ljós í Pósthússtræti. Þeir hafa verið urðaðir að nýju og verða ekki sýnilegir framar. Á þessu svæði er mikið af gömlum  hafnarmannvirkjum grafið undir malbikinu og nýrri húsum. Miðbærinn á sér merka sögu sem birtist stundum óvænt við framkvæmdir. 

 

Athugasemdir

[Villi Asgeirsson, 2.8.2008 kl. 21:46]

Takk fyrir það. Gaman að vita að einhver er með augun opin. Þar sem eg er alltaf að rolast í útlandinu er ég endalaust að missa af.

[Sigurður Ásbjörnsson, 3.8.2008 kl. 12:14]

Takk fyrir þennan fróðleik.  Ekki hafði ég grænan grun um að teinarnir hefðu legið um Pósthússtrætið.  Það er merkilegt að sjá að þeir virðast stefna beint á gula timburhúsið sem og gömlu lögreglustöðina.  Það væri verðugt verkefni að sýna á korti hvar þeir lágu alla leið milli hafnarinnar og Öskjuhlíðarinnar.

[Júlíus Valsson, 3.8.2008 kl. 12:36]

Takk fyrir þetta! Mjög áhugavert. Hvenær var myndin tekin?

[Hjálmtýr V Heiðdal, 3.8.2008 kl. 15:59]

Myndin er tekin 4. mars 2007. Það er til uppdráttur sem sýnir legu brautarinnar, hann hlýtur að vera í Árbæjarsafni eða skjalasafni Reykjavíkur. Ég tók fleiri myndir sem m.a. sýndu hafnargarða ofl.

[Svanur Gísli Þorkelsson, 3.8.2008 kl. 19:37]

Skemmtilegt flass úr fortíðinni. Takk

[Einar Þór Strand, 4.8.2008 kl. 18:37]

Geta varla verið teinar frá hafnarjárnbrautinni virðast of spormjóir, grunar að þetta séu teinar sem hafi verið notaðir fyrir uppskipunarvagna, en auðvitað er það bara ágiskun.

[Hjálmtýr V Heiðdal, 5.8.2008 kl. 11:31]

Þetta er ef til vill rétt hjá þér Einar - ég er kanski að bulla um þessa teina. Nú þarf að finna kort með legu brautarinnar og komast til botns í þessu.