Vinaveiðivon

Aldrei hefur mér verið boðið í veiðitúr. Hvorki lax- eða silungsveiði. Þó virðist það vera nokkuð algengt að mönnum sé boðið, a.m.k. er oft sagt frá slíkum boðum í fjölmiðlum. Og það er næsta víst að það er minnihluti slíkra boða sem kemst í hámæli. Þegar hópur manna fer saman í veiðitúr þá er grunnhugmyndin yfirleitt sú sú að veiða og skemmta sér. En þegar hópurinn samanstendur af mönnum sem geta allir haft áhrif á gang mála hjá opinberum og óopinberum aðilum - og er beinlínis smalað saman í veiðikofann eftir pólitískum línum eða valdaaðstöðu - þá er fiskurinn orðinn aukaatriði. Ég held að veiðivonin sé annars eðlis en í venjulegum veiðitúr. 

Athugasemdir

[Úrsúla Jünemann, 21.8.2008 kl. 20:50]

Svona lagað er alveg viðbjóður! Þessir menn eru siðlausir og enginn getur sannfært mig um annað. Þetta svonefnda "gráa svæðið" er ansi stórt hér á landi. Og það er heldur dökkgrátt.

[Sigurður Eðvaldsson (IP-tala skráð) 21.8.2008 kl. 21:41]

Já það er ekki ónýtt að vera vinur þessarra manna. Fram kom í fréttum í kvöld að veðitúrinn hafi kostað 500.þúsund +a mann. Ég væri allveg til í að eiga "vini" sem væru svona rausnarlegir en ég er ekki viss um að ég hefði efni á ð vera jafn rausnarlegur á móti.

[haraldurhar, 21.8.2008 kl. 21:51]

    Ríkilögreglustjóri hlítur að gera húsleit hjá Baugi til að afla sér upplýsinga hver greiddi fyrir veiðileyfin, hefur gert það áður af minna tilefni.

[Lára Hanna Einarsdóttir, 22.8.2008 kl. 10:51]

Varstu búinn að sjá þetta?

[Hjálmtýr V Heiðdal, 22.8.2008 kl. 11:14]

Sæl Lára Hanna

Þetta er stórmerkileg frásögn og segir allt sem segja þarf. Beint af vettvangi ef svo má segja.

En svo annað mál - ég er búinn að reyna að setja tengla inn í texta hjá mér en kann það ekki. Allt sem ég hef reynt virkar ekki. Hvernig ferð þú að þessu?

Hjálp.

[Lára Hanna Einarsdóttir, 22.8.2008 kl. 11:31]

Þú skrifar texta, t.d.:  Hér er viðtal sem allir ættu að lesa.

Þú ætlar að tengja slóð að viðtalinu við orðið "Hér".

Ef þú ætlar að t.d. feitletra, skáletra eða breyta litnum á orðinu til áhersluauka skaltu byrja á því.

Því næst afritarðu slóðina að viðtalinu í öðrum vafraflipa eða -glugga.

Svo ljómarðu orðið "Hér" og þá verður hlekkurinn (hægra megin við hægri örina í tólastikunni) virkur - lokaði hlekkurinn.

Smelltu á hlekkinn.

Þá kemur upp lítill gluggi með tveimur línum. Fyrir framan þá efri stendur: "Link URL". Smelltu í þá línu, hægrismelltu og veldu "Paste". Þá á slóðin að viðtalinu að birtast í línunni.

Þar fyrir neðan stendur "Target". Þú getur valið þar hvort þú vilt að vefsíðan með viðtalinu birtist í sama glugga eða hvort nýr gluggi opnist hjá þeim sem er að skoða. Ég vel alltaf seinni kostinn nú orðið.

Ég hef aldrei notað línuna "Title" og veit því ekki hvernig hún virkar - en get ímyndað mér það.

Þegar þú hefur gert þetta smellirðu á takkann í neðra, vinstra horninu þar sem stendur "Insert".

Þá ætti þetta að vera komið og þú sérð í textanum hjá þér að orðið "Hér" er nú með öðrum lit og undirstrikað. Útlitið á linkum er mismunandi eftir útliti bloggsins. Þessi aðferð á bæði við þegar þú skrifa færslu og athugasemd - sama aðferðin.

Bara prófa!