Minning um merkan mann

Minningarþáttur Sjónvarpsins um Sigurbjörn Einarsson biskup var ekki nægilega vel gerður. Það hæfir betur minningu þessa merka manns að vinna verkið mun betur. Með meiri vinnu og yfirvegun þá er hægt að gera góðan heimildaþátt um Sigurbjörn og hans sterku trú. Ræða við menn sem geta fært okkur betri skilning á löngu lífshlaupi biskupsins og viðfangsefnum hans. Það hefði t.d. verið við hæfi að fá umræðu sem Sigurbjörn hefði getað tekið þátt í með innklippum. Sjónvarpið verður að gera betur, maðurinn sem fylgdi þjóð sinni svo lengi og setti sitt mark á líf hennar á betra skilið. Þjóðin á betra skilið.

Athugasemdir

[Olga Sveinbjörnsdóttir (IP-tala skráð) 8.9.2008 kl. 14:19]

Mikið er ég sammála þér.  Ég varð satt best að segja mjög undrandi þegar þættinum var lokið.  Mér fannst þetta framlag sjónvarpsins til mikilla vansa.

[Hlynur Þór Magnússon (IP-tala skráð) 8.9.2008 kl. 16:34]

Mér þóttu samklippingar þessar vissulega bera þess merki að verkið hefði verið unnið í miklum fljótheitum. Betra hefði verið að gefa sér viku eða jafnvel fjórar og gera þetta með sóma bæði fyrir gamla biskupinn okkar og fyrir Sjónvarpið. En ekki er öll nótt úti enn.

[Hjálmtýr V Heiðdal, 10.9.2008 kl. 23:46]

Ég fékk tölvubréf frá starfsmanni RÚV þar sem sagði að þeir myndu gera minningu Sigurbjarnar betri skil nær jólum. Eða eins og segir m.a. í bréfinu: „Sjónvarpið sýnir minningu dr. Sigurbjörns virðingu og hefur án vafa áhuga á því að koma hugmyndum hans og lífssýn á framfæri við almenning. Það er hlutverk fjölmiðils í almannnaeigu sem hefur gildi upplýsingar að leiðarljósi“.