Endurtekið efni?

Þessi mynd er tekin í KR húsinu ca. 1958. Hér eru á boðstólum Moskvitz, Pobeda og Gaz rússajeppi. Rússarnir fengu síld og Gefjunarteppi og íslensk alþýða ók um í dúandi Pobedum sem höfðu meira að segja mjög sérstaka lykt.  Ríkisbankarnir réðu gjaldeyrinum og þá var gott að vera í réttum stjórnmálaflokk. Er tími Rússa og ríkisbanka kominn á ný! Erum við í hringferð?

Athugasemdir

[Þorvaldur Guðmundsson, 7.10.2008 kl. 10:09]

Verður Marteinn Mosdal gerður að seðlabankastjóra?

[Hjálmtýr V Heiðdal, 7.10.2008 kl. 10:16]

Hans tími er sennilega kominn

[Einar Árnason (IP-tala skráð) 7.10.2008 kl. 12:47]

Alltaf er gaman að hringferðum...afi heitinn sagði mér alltaf að það besta við Moskvitz hefði verið hið frábæra verkfærasett og safalaskinshúfa sem fylgdu í skottinu.

[Hjálmtýr V Heiðdal, 7.10.2008 kl. 13:14]

Ekki vissi ég um húfuna góðu.

[Sigurður Hreiðar, 7.10.2008 kl. 13:43]

Ég vissi ekki heldur um húfuna: En -- Hjálmtýr -- eru þetta ekki Volga, Gaz og Pobeda?

[Hjálmtýr V Heiðdal, 7.10.2008 kl. 14:15]

Ég er með fleiri myndir og þar er líka Volga. Þessi sem þú telur vera Volgu er miklu styttri en Volgan. Þetta er fyrsta gerðin af Moskvitz eftir því sem ég fæ best séð. Volgan var með öðruvísi grillmerki og stökkvandi dádýr á húddinu. Rússajeppinn er útbúinn sem slökkvibíll.

[Rauða Ljónið, 7.10.2008 kl. 14:20]

Sæll. Önnur gerðin hin fyrsta var Opel bodi 1938

[Hjálmtýr V Heiðdal, 7.10.2008 kl. 14:28]

Alveg rétt. Ég var búinn að gleyma þeirra gerð - sem var fengin beint frá þýskurunum.

[Hjálmtýr V Heiðdal, 7.10.2008 kl. 14:29]

leiðræetting: þeirri gerð

[Sigurður Hreiðar, 7.10.2008 kl. 16:52]

Fyrirgefðu -- þetta er örugglega rétt hjá þér. Fyrsti Moskvitsinn eftir þann sem þeir rændu frá Opel hefur líklega komið 1957. -- Minnir á þessari mynd á Gaz Volga 12 en er merkjanlega mjórri, þegar betur er skoðað, og líka öðruvísi grill. Skelltu myndinni af Volgunni til gamans inn í næsta (næst-næsta?) blogg.

Bbkv.

[Jón Steinar Ragnarsson, 7.10.2008 kl. 19:38]

Pobedan í den var gríðarlega stór með löngu húddi og 12 cylendra línumótor. Lúxuskerra rússanna. Nómenkladían keyrði um í þessu og viðhafnarbílar þjóðhöfðingjanna voru ávallt Pobeda. Líka þessir sem virtust vera Lincoln, búinn til úr skókassa.

[Jón Steinar Ragnarsson, 7.10.2008 kl. 19:46]

Það sem annars er í spilunum er að dollarinn mun hrynja og ríkjasambandi norðurameríkuríkja verður komið á North American Union, með myntinni AMERO. Það er búið að vera á teikniborðinu lengi. Ítök álrisanna munu aukast um allan helming hér og þegar farið að fúlsa við auknum kvóta en leggja til fleiri álver. Líklegast munu álrisarnir fá eignaraðild í orkulindunum líka.

Evrópusambandið fær alsráðandi miðstjórn þegar löndum þess mistekst að bjarga hagkefum sínum og bönkum og nýfasíst alræði myndað þar.

Globalisminn hefur þá gengið í eitt af lokastigum þeirrar sturluðu stefnu. Kannski eru Rússarnir svona viljugir að hjálpa til vegna þessa.

Ísland er gjalþrota, sjálfstæðið farið. Það má bara ekki segja það.

Vonandi er ég ekki sannspár en eitthvað af ofangreindu mun sttaðfesta það. Þeir sem ullu vandanum munu koma með lausnirnar og þær eru ekki settar fram af manngæsku.

[Gunnar Jóhannsson (IP-tala skráð) 7.10.2008 kl. 21:59]

Hvernig stóð á þessari sérstöku lykt í rússabílunum? Maður þarf ekki annað en að hugsa um hana þá gýs hún upp!!

[Hjálmtýr V Heiðdal, 7.10.2008 kl. 22:12]

Mig minnir að það hafi verið álit manna að lyktin hafi verið af lími sem Sóvétmenn notuðu í innréttingarnar á Pobedunni. Þegar ég tók leigubíl í Póllandi 1972 þá var það Pobeda og lyktin var á sínum stað.