Mótmælin 18. október

Ég set hér til fróðleiks mynd sem ég tók á mótmælafundinum á Austurvelli 18. október. Ríkisútvarpið hafði það eftir lögreglunni að um 500 manns hafi verið á staðnum. BBC sagði 2000. Ég tel að menn geti sjálfir séð að tala lögreglunnar er röng. Myndbandið er rúmar 8 mínútur.

Athugasemdir

[Björn Heiðdal, 29.10.2008 kl. 17:46]

Það er ekkert vit í því að skammast yfir Dabba og Dóra en heimta síðan Sarkozy og Tony Blair í staðin.  Maður hefði haldið að þeir sem hafa lagt lýðveldið í rúst og hin fíflin úr Símaskránni sem vilja leggja það niður gætu verið vinir.  Því þessir tveir hópar hafa sama markmið.  Gera almenning að þrælum auðvaldsins og erlendra auðhringja. 

[Lára Hanna Einarsdóttir, 29.10.2008 kl. 20:43]

Ég held að ég hafi séð þig þarna með kameruna...  og með gráa húfu ofan í augu...?

[Lára Hanna Einarsdóttir, 29.10.2008 kl. 20:43]

Annars var þetta 18. okt., ekki 19.

[Hjálmtýr V Heiðdal, 29.10.2008 kl. 21:12]

Svona er að hafa húfuna ofan í augum. Les vitlaust á dagatalið..

[Ásta , 30.10.2008 kl. 14:13]

Lögreglan hefur örugglega verið að telja skiltin, af myndbandinu að dæma voru mótmælaskilti minnst 500.

[Hjálmtýr V Heiðdal, 30.10.2008 kl. 14:52]

Í gamla daga þegar við mótmæltum stríði USA í Víetnam þá var þetta lenska hjá löggunni að telja vitlaust. Ég hélt satt að segja að þeir hefðu lagt af þennan sið.

[Lára Hanna Einarsdóttir, 30.10.2008 kl. 23:59]

Flott myndband. Mætirðu á laugardaginn?

[Hjálmtýr V Heiðdal, 31.10.2008 kl. 15:28]

Nú er ég orðinn alveg ruglaður. Mæta hvar og hvenær? Hver á að flytja ræðu? Ég hlusta ekki á Arnþrúði aftur.

[Lára Hanna Einarsdóttir, 31.10.2008 kl. 15:51]

Á morgun gerist tvennt:

1.  Safnast saman á Hlemmi klukkan 14 og gengið niður Laugaveg á Austurvöll.
2.  Mótmælafundur á Austurvelli klukkan 15 - Hörður Torfa er fundarstjóri.

Ræður flytja: Pétur Tyrfingsson og  Lárus Páll Birgisson
Stutt ávörp flytja:  Óskar Ástþórsson, leikskólakennari; Díana Ósk frá Foreldrahúsi og Ragnhildur G. Guðmundsdóttir, eldri borgari og formaður Mæðrastyrksnefndar.

Mæting: 500 manns.

[Hjálmtýr V Heiðdal, 31.10.2008 kl. 16:15]

Hver er Lárus Páll Birgisson?

[Lára Hanna Einarsdóttir, 31.10.2008 kl. 16:50]

Ég held að hann sé sjúkraþjálfari. Lárus tók til máls á borgarafundinum í Iðnó á mánudagskvöldið og mæltist mjög vel. Við fáum að heyra meira á fundinum á morgun.

Ég þekki manninn annars nákvæmlega ekki neitt, hef þetta eftir öðrum.

[Æsir (IP-tala skráð) 1.11.2008 kl. 23:06]

Flott Myndband Takk

Kveðja