Á enn að Hardera

Þetta er það sem Ísland þarfnast - forystumenn sem taka af skarið!

„Forsætisráðherra telur koma til greina að efna til þjóðaratkvæðagreiðslu um hvort ganga eigi til aðildarviðræðna við Evrópusambandið“.

Á að senda þjóðina að kjörkössunum til að kjósa um hvort hún eigi að... hvað?

Hvernig væri að spara nokkra milljónatugi og hefja viðræður hið fyrsta og kjósa svo þegar valkostirnir liggja fyrir. 

Kosningar um viðræður eru í besta falli vitleysa. Um hvað á fólk að velja þegar það er ekki búið að koma neinum upplýsingum skipulega til þjóðarinnar. Það er tiltölulega lítill hópur sem hefur haft fyrir því að kynna sér ESB. 

Og ef að þjóðin vill ekki umsóknarviðræður - þá hefur málið verið afgreitt án þess að málefnin verða komin á umræðustig. 

  

Umsókn í þjóðaratkvæði?

Athugasemdir

[Júlíus Sigurþórsson, 1.1.2009 kl. 14:55]

Það er vegna þess að "valkostirnir" liggja ljósir fyrir og hafa legið lengi.

Aðildarviðræður snúast um að ESB leggur fram hvernig hlutirnir eiga að vera. Ísland segir hvernig hlutirnir eru. ESB segir hvað þurfi að gera og Ísland segir hvenær þeir verða búnir að gera hlutina eins og ESB vill að þeir eru. Þetta snýst um upptöku regluverks ESB og svo afhendingu upplýsinga um t.d. fiskimiðin og svo frv. svo ESB geti tekið við stjórnuninni.

Valkostir... samningsstaða.... þetta eru draumórar fólks sem skilur ekki hvað "aðildarviðræður" snúast um. Það er einungis hægt að fá einhverjar undanþágur. En undantekningalaust gilda þær undanþágur í ákveðin tíma eða eru niðurfellanlegar af ESB þegar ESB hentar. Þær undanþágur skilgreinast til að "auðveld ríkjum aðlögun".

Það fær engin þjóð sérákvæði, vegna þess að þá vildu allar þjóðir sérákvæði og dæmið gengi því ekki upp. Undantekningalaust gildir því reglan "engin sérákvæði".

Þess vegna er tilgangslaust að hefja umræður um hvað við verðum lengi að taka upp regluverk ESB og telja upp undanþágurnar sem við viljum fyrr en búið er að kjósa. Ef þjóðin fellir í atkvæðagreiðslunni þá er engin tilgangur í að ræða við ESB og bara peninga- og tímasóun.

Hitt er svo sjálfsagt að taka regluverkið og samningana sem gerðir hafa verið og þýða það allt. Þá getur fólkið í landinu lesið sig til um að hverju það er að ganga áður en kosið er. Þeir sem skilja önnur tungumál en íslensku geta farið inn á http://europa.eu/ og lesið sig til strax.

[Hjálmtýr V Heiðdal, 1.1.2009 kl. 15:10]

Þakka þér fyrir innlitið og athugasemdina Júlíus.

Auðvitað munu aðildarviðræður snúast um aðlögun Íslands að regluverki ESB. Á sama hátt og upptaka EES samningsins. Sérákvæði eru einhver hjá ýmsum þjóðum, mest menningarleg sérstaða sem sleppur. En ég tel að það verði að vinna mjög skipulega til þess að þjóðin getir kynnt sér málin. Og ég tel að aðildarviðræður, þar sem allt kemur upp á borðið, sé haldbesta leiðin. Og svo kjósa menn um niðurstöðuna.