Og hvað svo?

Her Ísraela hefur það sem sérgrein sína að ráðast gegn vopnlausu fólki og drepa það í hörnnum. Fjöldamorð á Palestínumönnum hafa þeir stundað allt frá 1948, í 60 ár! Og eru enn að. Útskýringar herforingja Ísraelshers og stjórnenda landsins hafa verið á ýmsa vegu. Mistök segja þeir stundum. Endurtekin mistök með sömu niðurstöðu, morðum á vopnlausu fólki, eru svo margendurtekin að það eru fáir sem enn trúa á afsakanir og útskýringar hersins.

Heimurinn verður að horfast í augu við þá hrikalegu staðreynd að her Ísraels fer fram með þessum hætti vegna þess að hermennirnir líta á Palestínumenn sem óæðri og réttlausar verur.

Ef þeir gerðu það ekki þá gætu þeir ekki haldið stöðugt áfram að drepa konur, börn og gamalmenni með jafn miskunarlausum hætti og raunin er. Nú hafa tæplega 300 börn verið drepin í árás Ísraela á Gaza. Á meðfylgjandi mynd sjást ísraelsk börn árita sprengjur ísraelska stórskotaliðsins. Börn sem eru alin upp í stríði eru fórnarlömb - og það skiptir ekki máli hvoru megin við víglínuna þau eru.

Stjórnvöld í Ísrael hafa það sem meginmarkmið að stækka umráðasvæði sitt á kostnað Palestínumanna. Nú hafa þau enn efnt til stórárása á fólk sem hefur ekkert til saka unnið en að fæðast í Palestínu.

Hvað svo? Hvert er næsta skref Ísraela? 

Athugasemdir

[Hjálmtýr V Heiðdal, 9.1.2009 kl. 15:37]

Hér eru tvær viðbætur við færsluna:

Hér er bútur úr frétt á mbl.is. „Tzipi Livni, utanríkisráðherra Ísraels, sagði einnig í morgun að Ísraelar myndu halda áfram að hugsa fyrst og fremst um eigin hagsmuni og öryggi ísraelskra borgara.“

Hvað merkir þessi yfirlýsing, sem var sett fram vegna kröfu Öryggisráðsins um tafarlaust vopnahlé.?

Konan sem ber ábyrgð á dauða hátt í 1000 manns á örfáum dögum sýnir okkur hversu hatrömm afstaða síonistanna er. Það sem er kallað „öryggisleysi ísraelskra borgara“ er í raun afleiðing árásarstríðs sem Ísrael hefur háð í áratugi. Og síðustu ár eingöngu gegn lítt vopnuðum skæruliðahópum, unglingum með steinvölur og óvopnuðum mæðrum og smábörnum.

Hér er viðbót nr. 2:

The United Nations is claiming Israeli military officers have admitted there was no Palestinian gunfire emanating from inside an UNRWA school in Gaza which was shelled by an IDF tank.

Dozens of Palestinians were killed in the shelling.

Það er viðurkennt hér að yfirlýsingar um veru Hamas skæruliða í skólanum var enn ein lygin sem síonistaherinn beitti.

[Jón Logi (IP-tala skráð) 9.1.2009 kl. 17:02]

Nú eru Ísraelsmenn enn að á svæði Palestínumanna.

Þeir eru eitthvað pirraðir síðan Palestínumenn kusu sér hin herskáu Hamas samtök sem forystufólk. Og enn urðu þeir pirraðri þegar Hamas liðar tóku að skjóta á þá eldflaugum. Skotmörkin voru aðallega íbúðahverfi og þessháttar, og helst skotið þegar mest var traffík. Skeyti þessi skipta nú þúsundum, en mannfall lítið af þeirra völdum.

Nú eiga Palestínumenn engan hernaðarmátt til að tækla Ísraela, bara von um Jihad. Og eina von um hjálp frá hinum ó-íslamska heimi er í gegnum samúð.

Því sýnist mér að þeir séu að pissa í skóinn sinn með þessu, nema tilgangur Hamas sé eingöngu að æsa til stríðsaðgerða sem í þessu þéttbýli hefur örugglega í för með sér mannfall meðal almennings sem svo Á AÐ vekja samúð á Palestínumönnum og þar með andúð á Ísraelum, svo og þjappa saman hinum íslamska heimi.

Niðurstaðan er og verður sorgleg, og hvorugum til bóta. Hatrið vex, Palestínumenn beiskir yfir föllnum ættingjum og Ísraelsmenn áfram pirraðir yfir því að þurfa að eiga von á því að skólabíllinn sér og spes sé skotmark.

Lausn Palestínumanna: Ísraelar pakka saman og yfirgefa svæðið.

Lausn Ísraela: Girða þá af í Gettói.

Hvorug í sjónmáli.

[Hjálmtýr V Heiðdal, 9.1.2009 kl. 17:13]

Hvorug í sjónmáli skrifar þú. Mér sýnist á öllu að Ísraelar séu búinir að framkvæma gettólausnina. Vesturbakkinn er sundurskorinn í smá svæði og gaza er stærsta fangelsi í heimi. Hvað eiga þeir eftir að gera að þínu áliti?

[Kristján Sigurður Kristjánsson, 9.1.2009 kl. 22:50]

Það er svo sem ekkert "athugavert" við aðgerðir Ísraelsmanna eða nýtt. Það sem kemur við mig að þetta er í boði hins frjálsa heims, NATO ríkjanna, lýðræðis og mannréttindaríkjanna. Halldór Ásgrímsson sagði sem utanríkisráðherra: "Það vita allir hver hefur lykilinn að lausninni". Hann var ekki annað en að endurtaka sem allir Evrópuleiðtogar höfðu sagt.  Svipaðar aðgerðir eru í gangi á vegum Rússlands og Kína. Það er mjög athyglisvert að eina stórveldið sem stendur ekki í svona morðum er Indland.

Eða er Indland með puttan á Sri-Lanka?

[Guðmundur Björn, 10.1.2009 kl. 10:39]

En hver er sérgrein Hamas?  Þú vilt bara sjá aðra hlið málsins Hjálmtýr.

[Hjálmtýr V Heiðdal, 10.1.2009 kl. 11:01]

Kæri Guðmundur

Þegar þú telur mig „vilja bara“ sjá aðra hlið málsins eru að drag mjög ranga ályktun af því sem ég hefði viljað koma á framfæri. Kanski er það mér að kenna - kanski ert þú ekki að skoða hlutina af víðsýni.

Hamas er bara eitt af mörgum atriðum sem Ísraelsstjórnir hafa notað í á áranna rás til að réttlæta framferði sitt. Barátta Hamas eins og PLO, PFLP ofl. ofl. samtaka Palestínumanna er andstaða við áratuga undirokun þjóðarinnar. Ég tel mig þekkja þessa sögu sæmilega, búinn að fylgjast náið með henni frá 1974. Og þar sem ég er þremur árum eldri en Ísraelsríki þá hefur þetta ástand verið minn fylginautur svo lengi sem ég hef geta fylgst með. Ég var ,eins og lang flestir vesturlandabúar, alinn upp við aðdáun á þessu fyrirbrigði. Svo hef ég komist að því hversu afdrifarík og vitlaus ákvöðrunin um stofnum Ísraels var.

Ég vil með þessu segja þér að bakgrunnur árásanna eru ekki aðgerðir Hamas. Þetta er bara eitt augnablik í 60 ára sögu.