Góð grein eftir Klemens Ólaf Þrastarson

Klemens Ólafur Þrastarson skrifar fína grein í Fréttablaðið í dag. Ég gerist svo djarfur að birta hluta hennar hér.

 

„Ímyndum okkur í augnablik að erlendar fréttir sem hingað berast væru allar skrifaðar af sómakærum og hlutlausum fréttariturum sem hefðu engra sérstakra hagsmuna að gæta, til dæmis í Palestínu. Sérstaklega  fréttariturum frá ríkjum sem ekki setja „öryggi Ísraels“ ofar réttlæti og mannréttindum. Einhverjum lesandanum brygði líklega í brún að lesa slíka frétt:  „Herskáar vígasveitir Zíonista réðust í gær á þá fáu innfæddu íbúa Palestínu sem enn neita að flýja heimkynni sín, þrátt fyrir sex áratuga helför gegn þeim. Meðal skotmarka að þessu sinni voru skólar, kirkjur, spítalar og slökkvistöðvar.  Þungvopnaðir Zíonistarnir segjast ætla að vega alla þá sem hafa reynt að stýra samfélagi, og þar með mótspyrnu, hinna fátæku Palestínumanna á svæðinu. Sérstaklega skuli gera höfðinu styttri þá sem hafa verið llýðræðislega kjörnir til forystu. Því miður áttu þessir leiðtogar börn og byggju í íbúðarhverfum. En þetta væri fórnarkostnaður  heilags stríðs. Zíonistar hafa lengi haft það að markmiði að sölsa allt landið undir þann hóp manna sem „guð reiði og hefndar“ á að hafa valið til að eiga staðinn fyrir mörg þúsund árum. Ríkið er skilgreint sem ríki gyðinga. Í því samfélagi skiptir trúhneigð einstaklinganna meira máli en annað,svo sem ríkisborgararéttur.  Hernaðarráðherra Zíonista segir að aðrar þjóðir en öfgakristnar eigi ekkert með að skipta sér af því sem gerist í Palestínu. Aðrar þjóðir geti ekki skilið hlutskipti gyðinga og séu yfirleitt andsnúnar þeim. Þetta hafi sannast fyrir fullt og allt í seinni heimsstyrjöldinni.Ráðherrann bendir jafnframt á að heimavarnarsveitir Palestínumanna hafi síðustu ár með frumstæðum flugskeytum drepið hátt í tuttugu öfgamenn Zíonista, sem fá frítt húsnæði og ríkisstyrki fyrir að búa upp við aðskilnaðarmúrinn. Palestínskir íbúar og frelsisherir þeirra geri þessum „landnemum Jahve“ erfitt fyrir. Samkvæmt heimildum blaðsins telja stjórnvöld að engin þjóð muni gera nokkuð fyrr en Obama tekur við völdum og því sé nú lag að hreinsa til.“Svona einhvern veginn hefðu fréttir vikunnar getað hljómað, ef málstað Palestínumanna væri sýnd sama virðing og málstað Ísraelsmanna er sýndur. En í hinum raunverulega heimi sýna áróðursmeistarar Ísraels allt aðra hlið á málunum, og sú hlið er á ýmsum bæjum talin sönn. Þeir segjast vera að verja land „sitt“ en taka hvorki fram að fólk bjó á þessu landi áður en Zíonistar komu þangað né að landtökubyggðir gyðinga eru ólöglegar.“

Athugasemdir

[Björn Heiðdal, 17.1.2009 kl. 14:54]

Það er nú ekki annað að sjá en íslenskir Zioninstar kvarti yfir neikvæðum fréttaflutningi af málum Ísraels.  Vestrænir fjölmiðlar eru víst smitaðir af svokallaðri "CNN aðferð".  En hún gengur út á að Hamas láti Ísraelska herinn skjóta á saklaus börn til að fá samúð umheimsins!  Ég get nú ekki betur séð en þessi "CNN aðferð" skili Hamas afar litlum árangri.  Smá væl frá Bankimoon og UN ásamt neikvæðum fréttum í norskum fjölmiðlum virðist vera allt og sumt.  

Einn sjálfskipaður Zionistinn kvartar yfir vinnubrögðum Hamas og vitnar í Video sem sýnir yfirgefna skólabyggingu með sprengjugildru handa Ísraelska hernum.  Til marks um mannvonskuna höfðu Hamasliðarnir fyrir því að hafa hana fjarstýrða og lá þráðurinn úr skólanum í "dýragarð" sem var þar rétt hjá.  Ísraelski hermaðurinn sem talaði inn á myndbandið var drullufúll með þetta uppátæki Hamas og prísaði sig sælan í lokinn fyrir að hafa sloppið út án meiðsla.

Annað myndband á síðu Snorra í Betel sýnir innbyrðisátök Palenstínumanna en sökum plássleysis getur hann ekki sýnt myndbönd þar sem ísraelskir landtökumenn láta illa við nágranns sína.  En samkvæmt Snorra og hans líka réttlæta þessi myndbönd, þulurinn í myndinni segir það, morð ísraelska hersins á öllu þessu skítapakki í Gasa.  Sjálfur litli fjandi Sýrland og einræðisherrann í Egyptalandi óttast Hamas samkvæmt orðum Snorra.  Þegar allir með viti ásamt Sýrlandi og Mubarak forseta vilja ekki stjórn Hamas þá má bomba börninn þeirra!  Þannig skil ég allavega málflutning Snorra.

[Sveinn Tryggvason, 17.1.2009 kl. 22:30]

Að uppnefna mig "sjálfskipaðan Zionista" gerir rök ykkar og málstað ekki betri. Sannleikurinn hefur í þessu stríði eins og í öllum stríðum verið fyrsta fórnarlambið.

[S.H. (IP-tala skráð) 18.1.2009 kl. 10:46]

Lars M Andersson lektor í sagnfraedi vid Uppsalaháskóla skilgreinir hugtakid Antisemitism á thessa leid í Sveriges Radio fréttaskýringathaetti Studio Ett 15/1.

Begreppet antisemitism myntades i slutet på 1800-talet i Tyskland och var en förskönande omskrivning för fientlighet mot judar. Denna antisemitism ger sig ofta till känna på så sätt att man mäter Israel och judar med en annan måttstock än andra folk. När det är kris i Mellan-Östern blossar den underliggande antisemitismen upp hos många.

När man kritiserar Israels krigshandlingar med gammaltestamentliga begrepp som ” Öga för öga, tand för tand” men inte exempelvis Rysslands krig i Tjetjenien med hänvisning till ortodoxa kyrkan på samma sätt då är detta ett utslag av antisemitism.

 När man vägrar Israel rätten att försvara sina landområden och sina medborgare men tillerkänner andra länder och folk den rättigheten  är detta antisemitism.

 Att kritisera Israel är en självklar sak men det skall ske på samma grunder som vi kritiserar andra folk och länder.

När man hävdar att Israel och judar  på grund av Holocaust bör ha större förståelse för andras lidanden  mäter man också med olika måttstock och det har också antisemitiska orsaker men det kan vara moraliskt berättigat. Å andra sidan kan man också se rädslan för utplåning som ett resultat av det judiska folkets erfarenheter. 

Ett anat tydligt utslag av antisemitism är när man likställer israelerna med nazisterna, genomatt låta bödlar och offer byta plats.  Så sker inte när man kommenterar andra konflikter i världen.                         

[Hjálmtýr V Heiðdal, 18.1.2009 kl. 11:52]

Þessi náungi er úti í skógi. Annað hvort skilur hann ekki gagnrýnina eða að hann er hallur undir málstað Ísraels.

När man vägrar Israel rätten att försvara sina landområden och sina medborgare men tillerkänner andra länder och folk den rättigheten är detta antisemitism.

Hér sniðgengur hann sögu Ísrael - land sem er stofnað á landi annarra. Það skiptir engu máli hvort það eru gyðingar eða aðrir sem fengu land annarra. Það er verknaðurinn sem var svo rangur.

Nú er ég að fara á fund í Háskólabíói til að andmæla árásunum á Gaza. Fer betur í þetta þegar ég kem til baka.

[Hjálmtýr V Heiðdal, 18.1.2009 kl. 21:33]

Jæja - fundurinn var góður og fínar ræður fluttar.

Aftur að hinu sænska innskoti. SH sem seni þetta innlegg finnur einhverja þörf á því að ræða gyðingahatur í tengslum við gegnrýni á Ísrael. Um það vil ég segja í upphafi að það er frá mínum bærjardyrum séð alrangt að tengja þetta saman. Gagnrýni á ísrael getur aldrei verið tengd gyðingahatri svo lengi sem gagnrýnin beinist að því sem Ísrael er að gera í dag. Það skiptir engu máli í þessu samhengi hvort það eru gyðingar eða einhverjir aðrir sem fremja þau brot gegn Palestínumönnum sem heimurinn hefur mátt horfa uppá að undanförnu. Mannréttindabrot eru mannréttindabrot og morð er morð. Það er liður í tilraunum síonista til að verjast gagnrýni að hefja umræðu um gyðingahatur.

Nú verð égt að hætta - kem seinna með meira.

[Hjálmtýr V Heiðdal, 19.1.2009 kl. 09:39]

Lars M Andersson skrifar: „Att kritisera Israel är en självklar sak men det skall ske på samma grunder som vi kritiserar andra folk och länder.“ Útleggst: það er sjálfasgt að gagnrýna Ísrael, en gagnrýnin verður að byggja á sömu forsendum og gagnrýni á aðrar þjóðir og ríki. Að öðrum kosti, ef ég skil Lars rétt, eru menn hallir undir gyðingahatur. Ég verð að segja enn og aftur að gyðingahatur eða gyðingaást eru ekki atriði í málflutningi mínu í þessu máli. Ég gagnrýni utanríkisstefnu Bush stjórnarinnar varðandi Írak - en ég geri það á sama grunni og ég gagrýni Ísraelsstjórnir - eða kínversk stjórnvöld. Ísraelsher brýtur alþjóðasamninga líkt og Bandaríkjastjórn með sínu Guantanamobúðum. Það hefur ekkert með gyðinga að gera - og ef Lars telur það vera vott af gyðingahatri að gagnrýna Ísrael með ýmsum hætti, þá er hann á röngu róli. Það er mjög einkennilegt að draga þetta inn í umræðuna, SH sem sendi þetta er á villigötum. Nær væri að ræða Síonismann.

Meira seinna.

[Hjálmtýr V Heiðdal, 19.1.2009 kl. 16:11]

Lars skrifar: Ett anat tydligt utslag av antisemitism är när man likställer israelerna med nazisterna, genomatt låta bödlar och offer byta plats. Så sker inte när man kommenterar andra konflikter i världen. Útleggst: önnur greinleg birting gyðingahaturs er þegar Ísraelum er líkt við nasistana, með því að láta böðlana og fórnarlömbin skipta um sæti. Þetta er ekki gert þegar menn tjá sig um önnur heimsins deilumál.

Margir gyðingar, þekktir andstæðingar Síonismans, hafa rætt framferði síonista í ljósi hörmungarsögu gyðinga í höndum nasista. Mönnum blöskrar að t.d. fjöldarefsingum sé beitt með líkum hætti. T.d. þegar heilu húsin eru moluð niður vegna þess að einn íbúi hefur beitt sér gegn hernámsliðinu.

Síonistar kalla oft gyðinga sem andmæla Síonismanum „self hating Jew“. Þeir reyna þannig að kasta rýrð á málflutning þeirra. Þetta er eitt dæmi um notkun meints gyðingahaturs til þess að reyna að kæfa gagnrýni og andstöðu við Síonismann.

Það eru Síonistar sem koma óorði á gyðinga með framferði sínu.

Og það eru Síonistar sem nota starfsaðferðir sem minna á nasista, kynþáttakúgara S-Afríku og kommana í A-Þýskalandi.

Það eru ekki allir gyðingar Síonistar og það á ekki að setja samasemmerki milli gyðings, Ísraela og Síonista. Gyðingar eru trúflokkur, Ísraelar eru þegnar í landi þar sem 20% íbúanna eru arabar og Síonismi er stefna sem er ráðandi meðal stjórnenda Ísrael.

Læt ég þetta útrætt og ráðlegg SH að hugsa um þessi mál af víðsýni og vilja til að hjálpa fólkinu sem á um sárt að binda vegna stefnu síonista. Bæði gyðinga og araba.

[S.H. (IP-tala skráð) 19.1.2009 kl. 17:34]

Du vrider dig som en mask på kroken. Jag väntar fortfarande på något med substans att svara på.

Du försöker misstänkliggöra Lars M Andersson. Det är alldeles onödigt. Han är en respekterad lektor i historia och forskare i antisemitism i Uppsala. Han har bidragit till upplysningskampanjen om förintelsen, kommunismens oehörda brott mot mänskligheten och terrorn och massmorden under Pol Pot som finns att läsa på www.levandehistoria.se

Jag förstår att det inte är behagligt att anklagas för antisemitism( gydingahatur) Men jag menar att du inte går fri från det. Jag har som hastigast ögnat genom dina alster och funnit dylika exempel som Lars M Andersson nämner och hans definition är innehållsmässigt den samma som EU.s. Men du är sannerligen inte ensam:

Här två axplock från  bloggar under den senaste tiden:

"Endanlegu lausninni" beitt á HAMAS

Sú var tíðin að réttlætið samkvæmt lögmáli Gyðinga gekk út á tönn fyrir tönn og auga fyrir auga. Mörgum þótti það sanngjarnt. Með þessum aðgerðum er ljóst að Ísraelsstjórn hefur gefið upp á bátinn allt sem heitir réttlæti. Hún vill ekki bara tanngarðinn og bæði augun, hún vill allt höfuðið.

Och vidare:

Gyðingar vita betur en allir aðrir að það er hægt að komast upp með fjöldamorð á saklausum borgurum í langan tíma, án þess að nokkuð verði aðhafst. Þeir hafa reynt það á eigin skinni í gegn um aldirnar og þeir ásaka enn þjóðirnar réttilega fyrir andvaraleysi þegar að holskeflur helfararinnar riðu yfir þá rétt eins og Palestínuarabar gera nú.”

Exempel nr 2

”…… dagblöð sem að öðru jöfnu eru gagnrýnin á heimsvaldastefnu Bandaríkjanna og Brúsks forseta hamast við að bera í bætifláka fyrir nasistana í Ísrael. Bandarískur almenningur er þvílíkt mataður á áróðri nasistanna að undrun vekur þegar örfáir bandarískir skemmtikraftar gagnrýna framferði Ísraelshers. Þeir bandarísku skemmtikraftar eiga það allir sameiginlegt að hafa ferðast utan Bandaríkjanna og kynnst þannig annarri hlið á ástandinu fyrir botni Miðjarðarhafs en gengdarlausum áróðri bandarískra fjölmiðla í eigu gyðinga.”

 

 

På din blogg samlas galenpannor och tokfransar som har liknande åsikter.

 

Jag tycker det är viktigt att hålla rent mot antisemitism. Men du undrar över vad mitt inlägg har för ärende!

[Hjálmtýr V Heiðdal, 19.1.2009 kl. 19:41]

Vem är SH? Använd dit rigtiga namn.

Ég svara þér á íslensku þótt ég geti tjáð mig á sænsku.

Ég fer í gegnum þetta lið fyrir lið þótt ég hafi lýst því fyrr að þetta sé útrætt af minni hálfu. Ég sé að ruglið í SH er djúpstætt og sennilega tilgangslaust að skrifast á við hann. En það eru fleiri en hann sem lesa þetta.

„Du vrider dig som en mask på kroken. Jag väntar fortfarande på något med substans att svara på.“

Hér líkir SH mér við spriklandi orm sem engist á krók og segist enn bíða eftir einhverju marktæku frá mér svo að hann geti svarað. Sjáum til, kanski tekst mér að koma einhverju vitrænu til SH. Að vísu er það hann sem situr við sína tölvu og metur hvort eitthvað vitrænt skili sér. Hér gæti vandamálið átt upptök sín. En ég gefst ekki upp þótt á brattann sé trúlega að sækja.

„Du försöker misstänkliggöra Lars M Andersson. Det är alldeles onödigt…“

SH telur mig reyna að gera sænska sagnfræðinginn grunsamlegan án þess að það sé nauðsynlegt. Ég leyfi mér að efast um hans framsetningu á gyðingahatri og stend við það. Hann verður ekkert grunsamlegur við það – þetta eru hans skoðanir. Ég bregst bara við þeim.

„Jag förstår att det inte är behagligt att anklagas för antisemitism( gydingahatur) Men jag menar att du inte går fri från det. Jag har som hastigast ögnat genom dina alster och funnit dylika exempel som Lars M Andersson nämner och hans definition är innehållsmässigt den samma som EU.s.“

SH skilur að mér sé um og ó þegar ég sé sakaður um hatur á gyðingum. Og SH telur að ég sé ekki laus við þessa óværu. SH til upplýsingar þá er ég blessunarlega laus við að finna til haturs á einum einasta hópi manna. Ég þekki fólk af margvíslegum stofni, með mismunandi menningarbakgrunn og mismunandi skoðanir. Ég þekki m.a.s. gyðinga og hef ekkert við þá að athuga sem slíka.

Þetta geta verið vonbrigði fyrir huldumanninn SH en ég get ekki gert neitt við því.

Nú, SH bregður á það ráð að skoða bloggið mitt og er fundvís á skoðanir sem sagnfræðingurinn Lars stimplar með gyðingahatursstimplinum. Og hann bendir á að Lars sé á sama róli og ESB í sínum skilgreinungum. Ég hef kynnt mér þessar vafasömu hugmyndir sem eru á kreiki innan ESB, en þær hafa ekki fengið neina löggildingu – allavega var það ekki svo síðast þegar ég gáði. Og ESB getur gert mistök. Að ekki sé talað um í máli sem er svo gildishlaðið að sumsstaðar má ekki ræða málið án vondra afleiðinga.

Lars, ESB og SH eru að reyna að koma því þannig fyrir að ef ég skrifi eða tali með einhverjum sérstökum hætti um deilurnar í Palestínu að þá sé hægt að úthrópa mig og flokka. Eru menn ekki komn ir út á hálan ís hér? Eru menn að reyna að koma tjáningarfrelsinu fyrir kattarnef ef menn tjá sig með þeim hætti að Lars, SH og ESB geti komið þeim í klandur? Hverjur er þetta farið að líkjast? Er málfrelsið í hættu vegna SH, Lars og einhverja vitringa innan ESB?

„Men du är sannerligen inte ensam:

Här två axplock från bloggar under den senaste tiden:…“

„På din blogg samlas galenpannor och tokfransar som har liknande åsikter.“

SH tekur hér nokkur dæmi um fólk sem tjáir sig á sína ábyrgð, sumir undir nafni ólíkt SH. Ég get ekki ábyrgst skoðanir annarra, jafnvel þótt þeir sendi innlegg á bloggið mitt. Ég hef kosið að halda þessum vettvangi opnum þótt sumt sem inn kemur sé ekki rismikið og beri höfundum sínum lélegan vitnisburð. En vel að merkja þá er það SH sem situr hér í dómarasæti og hann er sjálfskipaður og vegur ekkert þyngra þótt hann kalli Lars og ESB til. Þröngsýni hans hefur pólitískan tilgang og Lars er kominn á kafi í pólitík þótt sveipaður sé lærdómsskikkjunni. Skoðanir hans í þessi máli vega ekkert þyngra í að mínu mati.

„Jag tycker det är viktigt att hålla rent mot antisemitism. Men du undrar över vad mitt inlägg har för ärende!“

SH telur það mikilvægt að halda gyðingahatri í skefjum. Þar erum við sammála. En ég fer ekki þá leið hans að stimpla menn ótt og títt gyðingahatara án tilefnis. Vandamálið verður þá svo yfirgripsmikið að vesalings SH og Lars kafna í eigin offorsi. Ef þeir spöruðu stimpilinn og tækju á málinu með yfirvegun og skynsemi þá liði þeim kanski betur. Vandamál Ísraels verður ekki minna með vini sem haga sér svona. Þeir afhjúpa bara hinn vafasama tilgang hjá þeim sem hamast við að styðja hrikalega sem lýsir sér í landaráni, þjóðernishreinsunum og morðum.

[Hjálmtýr V Heiðdal, 19.1.2009 kl. 19:45]

vantaði hrikalega „stefnu“ í lokin.

[Egill Helgason (IP-tala skráð) 21.1.2009 kl. 11:06]

Mér fannst til mikilla bóta fyrir nokkrum árum síðan þegar menn fóru að kalla Ísraelska landtökumenn landtökumenn í stað þess að þeir voru áður kallaðir Ísraelskir landnemar.  Nú vantar að hætt verði að kalla þá Palestínumenn sem vilja vernda og frelsa land sitt, Herskáa Palestínumenn.  Í stað þess þarf að kalla þá sínu rétta og eðlilega heiti Palestínska andspyrnumenn.  Palestínumenn sýna eðlilega andspyrnu við meðferð Ísraela á þeim nema hvað !  Ef Ísland yrði hernumið af einhverjum Írskum sérttrúarhópi sem vísaði í fornrit sín um að þeir ættu landið - yrðum við Íslendingar sáttir við það að vera kallaðir herskári Íslendingar ef við sýndum þessu mótspyrnu ?  Þætti okkur ekki sanngjarnara og eðlilegra að vera kallaðir Íslenskir andspyrnumenn.  Íslenskir fjölmiðlmenn vinsamlegast kallið hlutina sínum réttu nöfnum eða mynduð þið vilja vera kallaðir áróðursritarar í stað þess t.d. að vera kallaðir fréttamenn?