Bloggað á Gaza 3

Í dag hittum við nokkra sjómenn sem reyna að stunda sjóinn við strendur Gaza. Samkvæmt Oslóarsamkomulaginu eiga Palestínumenn 20 km. landhelgi sem þeir geta stunda sínar veiðar. Og hafa reyndar gert frá fornu fari.

Nú er svo komið að Ísraelar banna þeim að fara lengra út en 3 km - ef þeir hætta sé lengra er skotið á þá.

Samil er einn þeirrra 3500 fiskimanna sem reyna að hafa lifibrauð af fiskveiðum. Nýlega skutu ísraelskir hermenn, sem dóla hér útifyrir á herskipum, á hann og hann missti vinstri hendina. Hann var þá ekki kominn lengra en 2,5 km. frá landi. Hann getur lítið stundað sjómennsku á næstunni. Enda er það tilgangur Ísraela með sífelldum árásum á fiskimenn sem eru ekki að gera annað en það sem fiskimenn gera um allan heim.

Ísraelar vilja svelta fólkið á Gaza. Með því að banna þeim að fara lengra en 3 km frá ströndinni þá koma þeir í veg fyrir að þeir nái til gjöfulustu fiskimiðanna.

Í höfninina í Gaza streymir skólp frá borginni. Hún er orðin þrælmenguð en Ísraelar koma í veg fyrir viðgerð á biluðu hreinsunarkerfi Gazabúa. Ísraelar eiga kanski eftir að sjá eftir þessu þar sem mengunin mun einnig berast til þeirra. Það er ekki langur vegur yfir til stranda Ísrael, maður sér yfir til þeirra með berum augum.

Athugasemdir

[Birgitta Jónsdóttir, 24.5.2009 kl. 09:32]

Þakka þér fyrir innsýnin og bloggin frá Gaza - mikið á maður erfitt með að skilja grimmdina sem þarna á sér stað í garð Gaza búa.

[Skúli Skúlason (IP-tala skráð) 24.5.2009 kl. 09:39]

Hjálmtýr, kvikmyndagerðameistari!

Geturðu   ekki  bara  spurt  snillingana  í  Hamas  hvort þeir  geti  ekki  einfaldlega hætt að  skjóta  öllum þessum  eldflaugum  yfir  á Ísraelsmenn?

Eða  þurfa  þessir  kóranhausar  alltaf  að  fara  eftir  009:005   og  008:039  í Kóraninum  til  að  þóknast  grýluguðnum Allah,  sem  þeir  eru  svo hræddir  við?

PS.  Ef  ég  væri  Hamasmaður,  þá  mundi  ég  strax  leita hófanna  við  þig  um  að  taka  að þér  stjórn ,,Palliwood."  En  ef  til  vill  gera  þeir  sér  ekki ljóst  hverskonar  afburðarmaður  þú  ert á  því  sviði!

Og  eru  sjómennirnir  frá  Gaza  nokkuð  að  reyna  að smygla  vopnum?

[Axel Jóhann Hallgrímsson, 24.5.2009 kl. 10:05]

Skúli, ég var búinn að skrifa svar við þessu innleggi þínu. Ég þurrkaði það allt út, þetta er ekki svara vert. Þessi færsla þín er sorphaugur!

[Ragnhildur Kolka, 24.5.2009 kl. 10:10]

Miðað við þær frásagnir sem berast hingað frá Gaza um grimmd Ísraelsmanna, þá undrar það mig, hve Ísraelsmenn eru umburðarlyndir gagnvart áróðursmeisturum annarra landa sem valsa þar um frjálsir til orðs og æðis. 

[Ómar Bjarki Kristjánsson, 24.5.2009 kl. 12:31]

Einmitt.  Las um þetta einhverstaðar á dögunum.  Ísraelar koma í veg fyrir að þeir geti veitt sér til matar því til að veiða að ráði þarf lengra út.  Eins og bennt er á er líka bara tilviljunarkennt hvort palestínumenn megi fara nokkra km. út. (minnir þeir segja 3 mílur)   Fer bara eftir eftir hvernig liggur á fangavörðunum.     Hugsa sér grimmdina.

Gaza = fangelsi. 

[Axel Jóhann Hallgrímsson, 24.5.2009 kl. 13:22]

Er það tákn um umburðarlyndi Ísraela frú Kolka að það sé úlfaldanum auðveldara að komast í gegnum nálaraugað en erlenda fréttamanninum inn á Gaza?

[Hjálmtýr V Heiðdal, 24.5.2009 kl. 20:53]

Ég skrifaði kílómetrar í staðin fyrir mílur í blogginu og leiðrétti það hér með. Skúli, Ragnheiður Kolka og Vilhjálmur Örn eru alltaf við sama heygarðshornið. Það mun ekki breytast.

Varðandi undrun Ragnheiðar Kolka þá má geta þess að Ísraelsher hefur drepið marga fréttamenn og þeir hindruðu þá í starfi í síðustu árásinni á Gaza. Hún skrifar um áróðursmeistara - og á væntanlega við mig og þá sem með mér eru. Við erum að segja frá því sem við sjáum og heyrum. Hvaða áróður felst í því?