Lieberman og landræningjarnir

Nú hefur Netanyahu, forsætisráðherra Ísraels, flutt ræðu sem verður að skoðast sem svar við ræðu sem Obama Bandaríkjaforseti flutti í Karíó fyrir skömmu. (sjá blogg mitt þ. 6. júní).

Tengslin við Bandaríkin eru spurning um líf og dauða síonismans, stefnunnar sem ráðamenn Ísrael aðhyllast. Forsætisráherra Ísraels verður því að haga orðum sínum þannig að þau tengsl slitni ekki.

Vandamál Netanyahu felst í því að stefna hans er fullkomlega úr takti við allt sem getur talist til eðlilegrar stjórnmálastarfsemi meðal siðaðra manna í dag.

Stefna Ísraelsstjórnar hefði getað gengið á tímum gamaldags nýlendustefnu og kynþáttakúgunnar. Stjórnendur Ísraels hefðu fundið samhljóm með landnemum „villta vestursins“, sem litu á Indiána sem réttlausar skepnur, og kunnað vel við sig hjá stjórnendum Apartheid stefnunnar í Suður Afríku. En þeir eru eins og nátttröll meðal þeirra þjóða sem fylgja alþjóðasáttmálum um mannréttindi og þjóðarétt.

Í ræðu sinni reynir Netanyahu að friða Obama en jafnframt verður að hann að halda snarvitlausum fylgjendum Liebermans utanríkisráðherra og nokkurra öfgaflokka sæmilega ánægðum. Þessi línudans gengur ekki, Obama segir að það verði að stöðva landtökumennina og viðurkenna rétt Palestínumanna til eigin ríkis. Lieberman og landræningjarnir vilja ekki hætta fyrr en þeir hafa náð að reka alla Palestínumenn burt frá Ísrael, Vesturbakkanum og Gaza.

Nethanyahu er sama sinnis og landræningjarnir, en hann verður að finna orðum sínum búning svo hægt sé að misskilja þau og rangtúlka. Þess vegna segist hann geta samþykkt tilveru ríkis Palestínumanna ef það ríki hafi engan her og enga lofthelgi.  Hann útskýrir veru Palestínumanna í landi þar sem þeir hafa búið í þúsundir ára með þeim hætti að á þá beri að líta sem gesti í landi gyðinga: „Sannleikurinn er sá að á því landi sem er okkar, í hjarta heimalands okkar gyðinga, býr nú fjöldi Palestínumanna“.

Er hægt að tala skýrar um kjarnan sem býr í stefnu Ísraela. Ísraelsstjórn krefst þess að Palestínumenn viðurkenni tilverurétt Ísraels. Á sama tíma líta þeir á sig sem réttmæta eigendur alls landsins og þar af leiðir sú stefna að Palestínumenn séu í raun réttlausir og komnir upp á náð gyðingaríkisins. Þetta sýnir skýrt að þeir viðurkenna engan rétt Palestínumönnum til handa meðan þeir setja viðurkenningu þeirra á rétti Ísraela sem skilyrði fyrir frekari viðræðum. Það má nefna stefnu Ísraela ýmsum nöfnum, meira að segja er það stundum kallað „friðarferli“. En slíkar grín nafngiftir geta aldrei falið hinn bitra sannleika: Þetta er stefna landráns og kynþáttakúgunar.

Athugasemdir

[Ólafur Ingólfsson, 15.6.2009 kl. 17:23]

Ísraelsríki er í dag í sömu stöðu og Þýskaland nasista um 1940: ofbeldisfullt hernámsríki sem byggir á kynþáttastefnu. Sorglegt hlutskipti að afkomendur gyðinga úr gettóum Evrópu skuli í dag halda palestínumönnum í risavöxnu fangelsi á Gazaströndinni.

[Hjálmtýr V Heiðdal, 15.6.2009 kl. 17:38]

Hér er bútur úr ræðu Netanyahu: „The simple truth is that the root of the conflict has been - and remains - the refusal to recognize the right of the Jewish People to its own state in its historical homeland.“

Hinn „einfaldi sannleikur“ er lygin um að þeim beri réttur til lands sem aðrir hafa lifað á í árþúsund. Ef Íslendingar gerðu svipaðar kröfur til Norðmanna - heimtuðu aftur jarðir þeirra sem fóru frá Noregi og námu land hér á Íslandi. Kanski er sá „réttur“ nær raunveruleikanum en landakrafa gyðinga??

[Skúli Skúlason (IP-tala skráð) 15.6.2009 kl. 21:32]

Góðir  hálsar,

Þið  gleymið  því  alveg  að  arabar  stálu  landinu  frá  kristnum mönnum  og  öðrum á  sjöundu og áttundu  öld  eftir  krist.

Látið  ykkur  svo  ekki  dreyma  um  neitt  samkomulag  af  viti  til eilífðarnóns  milli  múslíma  og  gyðinga.  Það  stríðir  gegn hinu  pólitíska íslam. (Ef  þið  hafið  nokkra  hugmynd um  hvað  það er).

Valdið  kemur  út  úr  byssukjöftunum  og  við  það  situr. (Mao formaður).

[Páll Jónsson, 15.6.2009 kl. 21:54]

Bah... Hitlerssamlíkingar lykta af fordómum gegn gyðingum. Fyrir utan það að reductio ad Hitlerum eru sjaldan boðleg rök ef menn ætla að láta taka sig alvarlega.

En það er merkilegt hvað þessar þjóðir, Ísraelar og Palestínumenn, virðast æstir í að kjósa yfir versta mögulega fólkið til að stilla til friðar.

[Björn Heiðdal, 16.6.2009 kl. 00:38]

Það er nú bara smekksatriði hvort menn hafi smekk fyrir samlíkingum við Hitler eða ekki.  Sá smekkur fer nú reyndar eftir við hvern er átt og af hverjum.  T.d. hika ísraelskir landtökumenn ekki við að líkja aröbum við Hitler og félaga.  En að líkja aðferðum þeirra við herra Hitler er guðlast og ófyrirgefanlegt.  Þannig að það skiptir máli hver segir hlutina en ekki hvað er sagt.

[Páll Jónsson, 16.6.2009 kl. 03:00]

Og öfgasinnar Palestínumegin hika ekki við að segja Gyðinga drekka blóð ungbarna... Ég held við getum sammælst um að ákveðnir hópar í hvorri þjóð eru ekkert annað en snargeðveikir. 

[Hjálmtýr V Heiðdal, 16.6.2009 kl. 08:28]

Páll Jónsson er gjarn á að leggja Palestínumenn og Ísraela að jöfnu. Hann gleymir bara að skða rót vandans. Palestínumenn hafa ekki stolið landi af Ísraelum, Palestínumenn hersitja ekki Ísraela, Palestínumenn eru í varnarbaráttu en Ísraelar í sífelldri sókn. Enda lokamarkmið þeirra að taka allt landið sem „guð gaf þeim“. Mannréttindi Palestínumanna eru engin og þeir eru ofurseldir ofbeldi eins af sterkustu hernaðarríkjum veraldarkringlunnar. Það eru öfgar á báða bóga - það vita allir. En Páll hefur ekki höndlað sannleikann með þessum yfirlýsingum sínum.

Samlíkingar við framferði nasista koma flestar frá gyðingum sem ofbýður hvernig minningu fórnarlamba Hitlers er misþyrmt með framferði sem minnir æ meir á aðgerðir nasista. Þessi samlíking hefur ekkert með fordóma gegn gyðingum að gera. Hún sýnir einmitt að mönnum er annt um minningu þeirra gyðinga sem voru fórnarlömb morðæðisins í Evrópu 1933 - 1945.

[Sigurjón Sveinsson, 16.6.2009 kl. 08:40]

Takk fyrir þessa grein þína, Hjálmtýr.

Sorglegt þykir mér líka að nokkrir forystumenn kristinna gilda á Íslandi, t.d. Gunnar í Krossinum og Snorri í Betel, ásamt mörgum skoðannabræðrum/systrum þeirra, geta engan veginn séð nokkuð rangt í framferði Ísraelsmanna og verja þá í bak og fyrir. Ég held satt best að segja að þessir menn hafi lítið skilið í þeim kristilega kærleik sem Jesú kenndi okkur í Ísrael fyrir 2000 árum síðan. Man ekki eftir því að Jesu hafi sagt að þú eigir t.d. að elska náungan en einungis ef hann er Gyðingur.

[Björn Heiðdal, 16.6.2009 kl. 09:22]

Já, nokkuð merkilegt hjá mönnum eins og Páli að jafna Ísrael og Palenstínumönnum saman.  "Hafði ekki áttað mig á því að þú værir snarhelvíti geðveikur, fyrirgefðu, skal ekki gera þau mistök aftur." 

[Ómar Bjarki Kristjánsson, 16.6.2009 kl. 11:39]

Já já, allt rétt í pistlinum.

Sagði ekki Netaníjahú líka eitthvað á þá leið varðandi svokallaðar "landnemabyggðir" að ekki yrðu stofnaðar nýjar en þær sem fyrir væru yrðu að fá að "vaxa eðlilega"

En í samb við trúmenn suma sem styðja allt í tengslum við ísraeldæmið - þá eru þeir aðeins að fylgja fordæmi margra trúbræðra sinna td. í BNA.

Þeir trúa því að Armageddon sé á næsta leiti og Israel spilar þar dáldla rullu.  Þ.e. nauðsynlegt að hafa israelsríki þarna til að ná fram atburðum sem væntanlegir eru.  Endurkoma Jesú og ég veit ekki hvað.

Td. í BNA þá er ótrúlega mikil trú á að þessir atburðir séu nærri.  Einhversstaðar sá eg að nefnt var 1/3 þjóðarinnar.  Skal ekki segja en mér finnst það þá mikið.

[Skúli Skúlason (IP-tala skráð) 16.6.2009 kl. 16:21]

Góðan  daginn góðir hálsar,

Afsakið  að  ég hef  ekki haft  tíma  til  að  taka þátt í þessari  hálærðu umræðu.

En  er  ykkur  kunnugt  um  það  að  metsölubókin í múslímaheiminum  er  ,,Mein Kampf"  Hitlers  sáluga, ásamt  ,,Jihad" kveri   Múhameðs, sem  gengur undir  nafninu ,,Kóraninn"  í ,,Húsi Friðarins"  eða  á  arabísku  ,,Dar al  Islam."  (megi  friður vera með  sálu þeirra beggja)?     ,,Dar al Íslam eru  auðvitað  þau  lönd  sem  friðarhöfðingjar  og  fylgjendur Múhameðs  ráða  ríkjum í  dag, en  stundum  eru þau lönd  bara  kölluð  ,,múslímaparadísirnar."

PS. Ekki  skil  ég  af hverju  sumir  bloggarar  eru að  agnúast út í þennan   algjörlega  hlutlausa pistil hans Hjálmtýs  þar  sem  beggja  hagsmuna  er gætt og  ekki  hallað máli.

[Hjálmtýr V Heiðdal, 16.6.2009 kl. 17:07]

Þín var sárt saknað Skúli. Þú með þína miklu þekkingu á Islam. Hvernig líst þér á þá kumpána Lieberman og Netanyahu?

[Páll Jónsson, 19.6.2009 kl. 01:03]

Björn Heiðdal: Ertu að reyna að skjóta á mig fyrir að hafa misst kúlið yfir manni sem póstaði link á bókina Synagogue of Satan? Hefur þú lesið þann hroða?

Þú ert annað hvort Stormfront meðlimur eða maður sem veit ekki hvern andskotann hann er að tala um. Í þessu tilviki er fáfræðin mun ákjósanlegri. 

Á dauða mínum átti ég von en ekki því að vera skammaður fyrir að fíla ekki Synagogue of Satan. Sheesh. 

[Björn Heiðdal, 19.6.2009 kl. 21:15]

Takk fyrir ábendinguna, ætla að lesa þessa skemmtilegu bók.  Verð í sambandi.