Árás Bretastjórnar

Jón Sigurðsson,fyrrverandi formaður Framsóknarflokksins og fyrrverandi ráðherra skrifaði leiðara Fréttablaðsins s.l. fimmtudag undir fyrirsögninni Árás Bretastjórnar.

Jón skrifar m.a.:

„Enda þótt ár sé liðið fer því víðs fjarri að áhrifin af tilhæfulausri árás Bretastjórnar á Íslendinga séu farin að minnka. Því fer líka fjarri að upplýst hafi verið til fulls hverjar ástæður Bretastjórn notaði sem yfirskin til þessara aðgerða. Síst af öllu kemur til mála að Íslendingar gleymi þessu tilræði. Þvert á móti eigum við að hafa þetta fólskubragð vel hugfast.

Árás Bretastjórnar var í raun fjórföld. Í fyrsta lagi var ráðist á Landsbanka Íslands og útibú hans. Í öðru lagi var ráðist á aðra íslenska banka. Í þriðja lagi var lagt til atlögu við breska banka og fjármálafyrirtæki í eigu íslenskra fyrirtækja, hvort sem þau tengdust Landsbankanum eða öðrum. Í fjórða lagi réðst Bretastjórn einnig á íslenska fjármálaráðuneytið og þar með beinlínis á Lýðveldið Ísland.“…

 „Enn er engan veginn upplýst um áhrifin sem þetta fjandskaparbragð bresku stjórnarinnar hafði á hrun íslenska fjármálakerfisins. Margt bendir til þess að árásin hafi beinlínis haft úrslitaáhrif á það að breyta erfiðleikum og hruni fjármálafyrirtækja í allsherjar hrun í íslensku fjármálakerfi með skelfilegum afleiðingum fyrir lífskjör almennings hérlendis. Þeir sem gera lítið úr áhrifum árásarinnar telja að minnsta kosti ljóst að hún hafi komið á versta tíma og magnað og margfaldað þau vandræði sem við var að fást í fyrrahaust.

Ekki hefur heldur verið upplýst hver voru tildrög eða ástæður, uppdiktaðar og aðrar, fyrir árásinni. Mjög mikilvægt er að nákvæm rannsókn verði gerð á þessu. Þjóðin á kröfu á því að íslensk stjórnvöld leggi þunga áherslu á að efna til slíkrar rannsóknar og að láta birta niðurstöður hennar opinberlega. Litlu skiptir að slík rannsókn kunni að leiða í ljósó þægilegar upplýsingar um framkomu eða athafnir íslenskra manna. Íslendingar vilja ekki fara fram með rökleysur eða innihaldslausar ásakanir. Þeim mun mikilvægara er að greina frá öllum staðreyndum“.

Það er ástæða til þess að taka undir orð Jóns. Hér er tekið á mikilvægu máli sem enn hefur ekki verið upplýst – og þjóðin á fullan rétt á að allt málið verði rannsakað og ljós niðurstaðan kynnt bæði okkur og öðrum þjóðum.

 

Athugasemdir

[Kristinn Pétursson, 17.10.2009 kl. 12:24]

Réttari lýsing er "hrypjuverkaárás Breskra stjórnvalda"... -

árásir sem virðast einungis hafa þann tilgang í för með sér - að fermja efnahagslegan skaða hjá tilteknum aðilum - eða umhverfi - er hryðjuverkaárás ...

Enginn falglegur tilgangur hefur komið fram sem réttlætir þess ákvörðun Breksra stjórnvalda - eða getur einhver bent á einhverjar XX  sundurliðaðar staðreyndir - (ekki getgátur)  um hvaða faglegum  "árangri" sem þessar svífirðilegu árásir á okkur  skiluðu Berskum stjórnvöldum???

Ég sé ekki betur -en  Bretar hafi  einnig valdið Breskum skattborgurum umtalsverðum skaða  þar sem fjárhagstjón Iceave málsins -lendir líka á Berskum þegnum 

Af þessum ástæðum - vil ég að það verði þverpólitísk samstað um þingsályktunartillögu - Frá Allsherjarnefnd Alþingis um að ríkisstjórn Íslands skuli falið að semja við erlent greiningarfyrirtæki - að leggja mat á allan beina og óbeinan skaða skaða Íslenskra fyrirtækja, einstaklinga og ríkissjóðs vegna beitingar Breskra stjórnvalda á þessum  hryðjuverkalögum.

Fyrsta "paragraf" í úttektinni - verði að meta hvort það hafi einhver "árangur" orðið hjá Bretum af  þessum aðgerðum - og svo skal allur skaðinn metinn -

Framkvæmdi  á matsgerðinni verði  í höndum  á stóru greiningarfyririrtæki frá USA sem  hefur sérsvið í afleiðuviðskiptum...  

Svo sendum við Bretum reikninginn - + matskostnað  .....

Borgi þeir ekki - reikninginn - innan 30 daga - fer málið í venjulega innheimtu fyrir Breskum dómstólum.

[Axel Jóhann Hallgrímsson, 17.10.2009 kl. 19:09]

Hjálmtýr hvar eru allir? Kemur enginn til að skamma þig fyrir framkomu þína við Framsóknarmenn? Hvað er að gerast?

[Björn Heiðdal, 18.10.2009 kl. 07:25]

Er hann ekki bara að taka undir með Davíð Oddssyni.  Er þetta háð hjá þér?  Jón þessi veit eflaust hvað bjó að baki en lætur eins og ný sleiktur kettlingur og grænni en blaðlús. 

[Hjálmtýr V Heiðdal, 18.10.2009 kl. 09:42]

Þetta er eitthvað skrýtið - framsóknarmennirnir sem hafa verið svo duglegir að skamma mig hafa sennilega misst móðinn þegar ég tek uppá því að sjá eitthvað jákvætt hjá fyrrverandi formanni flokksins. Björn frændi - Davíð getur haft svipaðar hugmyndir og ég um um ...t.d. veðrið. Hann getur til dæmis verið sammála mér um það að veðrið sé gott í Reykjavík þegar sólin skín, algjört logn og 22 stiga hiti. Eða hvað?

[Fimmta valdið (IP-tala skráð) 18.10.2009 kl. 10:28]

Íslenskir höfðu áður farið með hernaði (eða eigum við að kalla það hryðjuverkaárás) gegn breskum þegnum. Valdið stórfelldum efnahagslegum skaða. Ekki einasta íslenskir bankar heldur íslenskir stjórnmálamenn (forsætis- og utanríkisráðherrar með málflutningi sínum og stuðningi) og háembættismenn (t.d. formaður stjórnar fjármálaefirlitsins). Árásin var í nafni íslenska ríkisins og þjóðarinnar.

Staðan horfði öðruvísi við ef árásin gegn Bretum hefði þannig ekki verið framin af íslenska ríkinu. En þetta er raunveruleikinn. Feisið það.

[Hjálmtýr V Heiðdal, 18.10.2009 kl. 10:45]

Jón Sigurðsson skrifar: „Enda þótt ár sé liðið fer því víðs fjarri að áhrifin af tilhæfulausri árás Bretastjórnar á Íslendinga séu farin að minnka.“

Það er vert umhugsunar að umræða um „tilhæfulausa árás“ er villandi - það var að sjálfsögðu tilefni til árásarinnar. Spurningin er bara í hverju „tilefnið“ á rætur sínar. Krafan er, eins og Jón bendir á, f.o.f. að allt verði upplýst og kynnt.

„Fimmta valdið“ er kominn með sína niðurstöðu - án þess að við hin verðum einhvers vísari af því sem hann skrifar.

[Gunnar Jóhannsson (IP-tala skráð) 19.10.2009 kl. 12:15]

Týri,

Þetta er nú eitt af því sem stjórnvöld hafa ekki gert nokkurn skapaðan hlut í  og munu ekki gera því þá gætu Bretar orðið reiðir.  Við verðum að passa okkur á að vera prúð og stillt því annars gætum við átt á hættu að vera skilin útundan í alþjóðasamfélaginu.  Ekki viljum við það.

En hvernig var það, vorum við ekki búin að missa tækifærið til að kæra þessa lagasetningu?  Var ekki frestur fram í febrúar á þessu ári?  Einhver.

[Hjálmtýr V Heiðdal, 19.10.2009 kl. 12:49]

Nú fer að glitta í lok fyrsta fasa Icesave. Ef Sigmundur Davíð sæti á strák sínum þá kemur kanski vinnufriður til að sinna ýmsum nauðsynjamálum. Það er nauðsynlegt að rannsaka málið hvort sem það sé einhver kæruréttur enn til staðar.

Jón skrifar:„Litlu skiptir að slík rannsókn kunni að leiða í ljósó þægilegar upplýsingar um framkomu eða athafnir íslenskra manna. Íslendingar vilja ekki fara fram með rökleysur eða innihaldslausar ásakanir. Þeim mun mikilvægara er að greina frá öllum staðreyndum“.

Það gæti komið í ljós glæpsamleg hegðun Íslendinga eins og hann bendir.

Gunni - farðu nú að slaka á andófinu gegn Jóhönnu. Þetta er allt að koma.

[Gunnar Jóhannsson (IP-tala skráð) 19.10.2009 kl. 13:38]

Týri,

Ég verð fyrsti maðurinn til að fagna því ef þessi árás Bretanna verður rannskökuð.  Hef bara svo sáralitla trú á því að það verði gert.

[Guðjón Sigþór Jensson, 20.10.2009 kl. 18:39]

Á einhverjum tímapunkti tekur Gordon Brown og félagar hans þessa ákvörðun að beita hermdarverkalögunum. Það bíður rannsókna og þarf fyrr eða síðar að skoða niður í kjölinn.

Athygli vekur að það eru sterk tengls milli íslensku útrásarvíkinganna og breskra braskara. Þannig veður Breti nokkur, Robert Tzenguiz að nafni og virðist hafa óheftan aðgang að Kaupþing banka. Hann virðist hafa óvenjulega góð viðskiptasambönd við Framsóknarmenn, Finn Ingólfsson, Bakkabræður og ýmsa fleiri þokkapilta. Hann kemst skv. lánabók Kaupþings í sptember 2008 yfir 280 milljarða króna sem virðist vera án trygginga eða viðhlýtandi veða sem hann notar áfram í viðskiptum sínum.

Auðvitað eiga Bretar að skoða hlutdeild eigin þegna í þessu ótrúlega bankahruni þar sem bönkunum íslensku var breytt í ræningjabæli.

Mosi