Kvikmyndahátíð

Á föstudag hefst Heimilda- og stuttmyndahátíð í Reykjavík - Reykjavik Shorts&Docs í Austurbæjarbíói. Sem stofnandi þessarar hátíðar árið 2001 er ég mjög ánægður með það starf sem arftakar mínir hafa unnið að undanförnu. Á dagskránni er fjöldi kvikmynda sem hafa unnið til verðlauna víða um heim. Það ætti enginn áhugamaður um góðar kvikmyndir að láta þessa hátíð framhjá sér fara. Á heimasíðunni www.shortdocs.info er hægt að sjá alla daqskrána.Það er mjög skemmtilegt að sjá að gamla Austurbæjarbíó rísa úr öskustónni. Bíóið er tilvalið fyrir sýningar á margskonar kvikmyndum sem kvikmyndahús borgarinnar sýna yfirleitt ekki.

Athugasemdir

[Villi Asgeirsson, 21.8.2008 kl. 20:08]

Gaman af þessu. Ef ég væri heima myndi ég kíkja. Gengur betur næst. Ekki vissi ég að þú hefðir sett þetta í gang. Til hamingju með það. Það hlýtur að vera gaman að sjá "barnið" sitt vaxa svona og dafna, því þetta er orðin þekkt keppni. Fólk hér í Hollandi hefur verið að minnast á hana.

Svo vissi ég ekki að Austurbæjarbíó væri ennþá að. Átti ekki að rífa það, eða er ég að rugla því saman við Stjörnubíó sem var rifið?