Færsluflokkur: Stjórnmál og samfélag

Forsetinn grínast með ESB andstæðingana

ADAlltaf er hann að blessaður forsetinn. Nú gerir hann at í ESB andstæðingum. Þeir hafa alltaf haldið því fram að ESB ásælist litla landið okkar - vatnsorkuna - fiskinn og hvaðeina.

Nú segir Alvitri á Bessaleyfisstöðum að Heimssýn sé samansafn fávita. ESB hafi ekki minnsta áhuga á útnáranum og innbyggjurum hans.

Ásmundur Daði er pínu svekktur eins og sjá má.


Albrecht afneitar helför nasista gegn gyðingum.

Í dag birti Fréttablaðið viðtal við Kanadamannin Roy Albrecht. Roy þessi lýsir því að í Kanada sé ekki tjáningarfrelsi þegar menn vilja ræða helförina. Menn séu jafnvel fangelsaðir ef þeir birta opinberlega efasemdir um að helförin hafi í raun verið með þeim hætti sem hin opinbera saga greinir frá.

Sjálfur segir Roy að sögur um helförina séu lygar. Það hlýtur að teljast furðulegt að maður komist að slíkri niðurstöðu í ljósi allra þeirra upplýsinga sem öllum eru aðgengilegar.

En það er einnig furðulegt að Roy geti ekki fengið að halda þessari skoðun sinni á lofti án þess að vera refsað. Lög sem banna efasemdir um helförina eru víða í gildi og var um tíma reynt að innleiða þau í öllum löndum ESB.

Albrecht afneitar helför nasista gegn gyðingum.
Í dag birti Fréttablaðið viðtal við Kanadamannin Roy Albrecht. Roy þessi lýsir því að í Kanada sé ekki tjáningarfrelsi þegar menn vilja ræða helförina. Menn séu jafnvel fangelsaðir ef þeir birta opinberlega efasemdir um að helförin hafi í raun verið með þeim hætti sem hin opinbera saga greinir frá. Sjálfur segir Roy að sögur um helförina séu lygar. Það hlýtur að teljast furðulegt að maður komist að slíkri niðurstöðu í ljósi allra þeirra upplýsinga sem öllum eru aðgengilegar. En það er einnig furðulegt að Roy geti ekki fengið að halda þessari skoðun sinni á lofti án þess að vera refsað. Lög sem banna efasemdir um helförina eru víða í gildi og var um tíma reynt að innleiða þau í öllum löndum ESB.

Syndir feðranna - veganesti Framsóknar

SDGSigmundur Davíð segir að féð sem skuldarar eiga að fá til baka skuli taka frá eigendum föllnu bankanna sem sköpuðu forsendubrestinn. 
Þá er kannski tímabært að spyrja hvernig þessir bankar komust í hendur manna sem tókst á fimm árum að kollsigla efnahagslífi þjóðarinnar. 
Flokkur Sigmundar Davíðs er með sömu kennitölu og flokkur mannanna sem sköpuðu aðstæður forsendubrestsins með því að gefa bankana í hendur bankstera. 
Syndir feðranna nú eru aðal tromp flokksins og leið til valda.
Margt er skrýtið í henni veröld.

Frambó

FRAMBÓ!!Ofurhetjan

Þessi ríkisstjórn hefur ekki gert neitt fyrir heimilin og atvinnulífið

Johanna

„Þessi ríkisstjórn hefur ekki gert neitt fyrir heimilin og atvinnulífið!“

Hve oft þurfum við ekki að hlusta á þessa klisju.

Hér er listi yfir ýmis verk ríkisstjórnar Jóhönnu Sigurðardóttur:

 

Hagvöxtur er bærilegur og meiri en mjög víða um þessar mundir (Hagvöxtur er t.d. neikvæður í Bretlandi núna.). 

Skuldatryggingaálag Íslenska ríkisins farið úr 1500 punktum í 150.

Verðbólgan úr 18 % niður í 4%.

Atvinnuleysi er 4.6% en stefndi í 20 % þegar ríkisstjórn Jóhönnu tók við og er nú lægra en víðast hvar.

Vöruskiptajöfnuðurinn var neikvæður 1996 til 2008 en hefur verið hagstæður í hverjum einasta mánuði sem þessi ríkisstjórn hefur verið við stjórnvölin

Fleiri flytja nú til landsins en frá því.

Dregið hefur hraðar úr ójöfnuði hér á landi en nokkurs staðar á byggðu bóli.

Skattbyrði miðlungs og lágra launa lækkaði en þeir tekjuhæstu greiða nú meira.

Að hvergi er minni hætta á fátækt og félagslegri einangrun.

Námsmenn þurfa ekki lengur ábyrgðamenn til að geta fengið námslán.

Skuldir heimila hafa lækkað og eru nú áþekkar því sem þær voru árið 2006.

Vaxtabætur og barnabætur meira en tvöfölduðust.

Aukin skattlagningu á fjármagn og auðlindanýtingu en reynt við erfiðar aðstæður að létta henni af launafólki.

Veiðigjald er nú lagt á útgerðina sem fékk að njóta stórfellds gengishruns krónunnar á kostnað heimilanna árum saman. Útgerðin borgar nú 18 milljarða á ári í auðlindagjald en 2 áður

Lífeyrisforréttindi ráðherra, forseta, dómara og þingmanna hafa verið afnumin.

Bankarnir voru endurræstir fyrir 250 milljörðum króna lægri upphæð en upphaflega var gert ráð fyrir.

Ráðuneytum og ráðherrum hefur verið fækkað.

Ráðherrum og starfsmönnum stjórnarráðsins hafa verið settar siðareglur.

Gengið hefur verið lengra en nokkru sinni fyrr í lýðveldissögunni í endurskoðun stjórnarskrárinnar.

Í fjögur ár samfellt hefur jafnrétti hvergi mælst meira á byggðu bóli en á Íslandi.

Rammaáætlun um nýtingu og vernd landsvæða samþykkt eftir áralangt þref.

Dregið hefur hratt úr halla ríkissjóðs eftir hrun; úr 230 milljörðum árið 2008 í aðeins 3 milljarða árið 2013.

Skapandi greinar hafa fengið stóraukinn stuðning örvun til dáða með margvíslegu móti og áþreifanlegum árangri.

Gjaldeyristekjur hafa aldrei verið hærri.

10 til 11 milljarðar lagðir í margvíslegar fjárfestingar á þessu ári samkvæmt sérstakri fjárfestingaráætlun.

Samningar gerðir um sóknaráætlanir í öllum landshlutum og umbylt samskiptum landshlutanna og stjórnarráðsins til hins betra.

Og þetta er ekki allt.


Tvær tegundir af Íslendingum

2+2Ég er nú sannfærður um það að það eru til tvær tegundir af Íslendingum.

Önnur tegundin veit að tveir plús tveir eru fjórir.

Hin tegundin veit þetta einnig en vonar að útkoman verði önnur.


Vigdís og fátæka ekkjan

Nú hafa tvær konur í lýst því yfir að Íslendingar hafi ekki efni á að veita þróunarhjálp.
Vigdís Hauksdóttir, þingkona Framsóknarflokksins, greiddi atkvæði gegn þróunarhjálp á Alþingi og sagði okkur ekki hafa efni áVigdis þessu. Ásgerður Flosadóttir, formaður Fjölskylduhjálpar Ísland spyr „hvernig getur jafn illa stödd þjóð og okkar hjálpað öðrum?“


Ég er ekki kirkjurækinn og tel mig ekki vera kristinn. En í mínu uppeldi lærði ég þó eitt og annað af kristilegum dæmisögum. Vegna afstöðu Vigdísar og Ásgerðar kemur upp í hugann þessi saga af Jesú:
„Jesús settist gegnt fjárhirslunni og horfði á fólkið leggja peninga í hana. Margir auðmenn lögðu þar mikið. Þá kom ekkja ein fátæk og lét þar tvo smápeninga, eins eyris virði. Og hann kallaði til sín lærisveina sína og sagði við þá: ,,Sannlega segi ég yður, þessi fátæka ekkja gaf meira en allir hinir, er lögðu í fjárhirsluna. Allir gáfu þeir af allsnægtum sínum, en hún gaf af skorti sínum allt sem hún átti, alla björg sína.” Mk. 12, 41-44„

Fætæka ekkjan gaf af skorti sínum og því sýndi hún meiri kærleik en hinir auðugu.
Hvar skyldu Vigdís og Ásgerður hafa verið þegar þetta var lesið yfir þeim í kristnifræðslunni. Skyldu þær hafa skrópað þann daginn?


Menntun og lýðræði

Helmingaskipting gengur afturÞeir eyðilögðu Lagarfljót.

Þeir gerðu okkur samábyrg fyrir fjöldamorðum.

Þeir gáfu amatörum fjöregg efnahagslífsins.

Þeir steyptu fjölda fólks í botnlausar skuldir með 90% lánahlutfalli.

Þeir færðu nokkrum fjölskyldum auðlindir sjávar á silfurfati.

Þeir berjast gegn lýðræðisumbótum.

Þeir vilja ekki að auðlindir séu þjóðareign. 

Nú bjóða þeir töfralausnir fyrir fólkið sem býr við þessi ósköp - gegn því að menn kjósi þá til valda á ný.

Hálf þjóðin virðist trúa áróðri þeirra. 

Menntun og lýðræði eru stórlega ofmetin fyrirbrigði sagði kellingin.


Afturvirk loforð!

G BragiGunnar Bragi Sveinsson, þingsflokksformaður Framsóknar,lýsti því yfir á þingi í morgun að verðtryggð lán yrðu ekki leiðrétt afturvirkt. Það gengur þvert á samþykkt flokksþingsins.

Úr samþykktum flokksþings Framsóknarflokksins 10. febrúar 2013:
„Framsóknarflokkurinn vill að stökkbreytt verðtryggð húsnæðislán verði leiðrétt.
Afstaða Framsóknarflokksins er eindregið sú að ekkert geti réttlætt að lánþegar verðtryggðra húsnæðislána sitji einir uppi með afleiðingar þess að lánin stökkbreyttust af völdum efnahagshruns“.


Á mannamáli þýðir þetta að flokkurinn vill að núverandi lán verði leiðrétt til þess að lánþegar sitji ekki einir uppi með afleiðingar Hrunsins. Sem sagt: það skal leiðrétta afturvirkt skv. samþykkt flokksþingsins.

List hins ómögulega

GallowsVæntanlegir kjósendur Framsóknarflokksins virðast falla fyrir loforðum um betri tíð fyrir lántakendur með afnámi verðtryggingar.

Kanski er þetta sama fólkið sem féll fyrir gömlu kosningabrellunum um 90% lánshlutfall (verðtryggðra) lána. Sem reyndist vera hengingaról þegar krónan hrundi.

Flokkurinn sem kom þeim í gálgann býðst nú til að skera á snöruna.

Stjórnmál eru list hins ómögulega sagði einhver. Var það framsóknarmaður?


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband