Hvað heyrist í gegnum spengjugnýinn Árni Páll?

Að loknum fundi utanríkismálanefndar Alþingis segir Árni Páll Árnason á mbl.is að það vitlausasta sem Íslendingar gerðu væri að slíta stjórnmálasambandi við Ísrael.

Á hans máli heitir það „að hætta að láta hlusta á sig“. Oft þarf maður að umbera heimskuleg ummæli - en þegar fjöldi manns er myrtur á hverri klukkustund þá minnkar þolinmæðin gagnvart vitleysunni. Ísraelar hafa aldrei - og munu aldrei - hlusta á hjal um vopnahlé eða vernd óbreyttra borgara eða annað það sem vestrænum ríkisstjórnum dettur í hug að láta frá sér.

Það er búið að samþykkja 60 - 70 ályktanir á vettvangi SÞ um yfirgang Ísraela gegn Palestínumönnum. Hafa þeir hlustað á þann boðskap? Þeir gefa fullkomlega skít í allt sem sagt er - þeir skilja bara aðgerðir.

Það sterkasta sem ríkisstjórn Íslands gæti gert í dag væri að slíta sambandinu við morðóða ríkisstjórn Ísrael og setja á viðskiptabann.

Árni Páll talar einnig um „ábyrgð Hamas á átökunum“. Hann er svo illa upplýstur að hann veit ekki að löngu fyrir stofnun Hamas voru Ísraelar að gera nákvæmlega það sama - að myrða Palestínumenn. Þeir ætla að hrekja alla sem ekki eru gyðingar burt af því landi sem þeir telja sig eiga tilkall til. Með góðu eða illu.

Þeir sem skilja þetta ekki - en telja sig vera fylgjendur mannréttinda - ættu ekki að vera í pólitík. 

Flugskeytasendingar Hamas eru bara enn ein afsökunin frá Ísraelum, þeir finna alltaf nýjar og nýjar útskýringar á því að í 60 ár hefur ekki verið hægt að semja frið við þá. Friður hentar ekki þeim sem ræna landi, friður hentar ekki þeim sem ætla að drepa þá sem snúast til varnar. En friðarhjal hentar þeim sérstaklega vel. Árni Páll er örugglega tilbúinn að hjala meira um ábyrgð beggja og pínulítin frið. Á meðan deyja ungbörnin á Gaza.

 

Athugasemdir

[Heiða B. Heiðars, 5.1.2009 kl. 17:34]

Fín færsla aog segir allt það sem er í kollinum á mér...... öskrandi

[Ólafur Þórðarson, 5.1.2009 kl. 20:45]

Ég veit ekki hvort stjórnmálaslit séu lausnin, ætli það séu ekki einmitt röng viðbrögð? Það er gott að gefa út yfirlýsingar um að menn séu ósáttir við þetta, en stjórnmálaslit loka á samskiptaleiðir.

Bara smá pæling.

[Björn Heiðdal, 5.1.2009 kl. 22:17]

Árni Páll sagði í kjölfar bankahrunsins að hlutverk stjórnmálamanna væri að ljúga að almenningi til að verja meiri hagsmuni.  Ég er ekki að grínast!  Hann vill líka ganga í ESB og helst án atkvæðagreiðslu ef hún gæti verið tvísýn.

[Ástþór Magnússon Wium, 5.1.2009 kl. 22:59]

Ég horfði á þá spúla eins og í sláturhúsi blóðið innan úr sjúkrabílunum

[Jónína Óskarsdóttir (IP-tala skráð) 6.1.2009 kl. 00:11]

Ég er sammála. Slítum stjórnmálasambandi við þessa óhugnanlegu stjórn í Ísrael sem ræðst á fólk sem á ekki undankomuleið. Minnir þetta ekki á eitthvað? Það hefur verið hörmulegt að fylgjast með áratuga yfirgangi Ísraelsmanna. Við berum ábyrgð meðan við höldum sambandi við þá.

Eru til einhverjar kvikmyndir sem sýna málstað og baráttu Palestínumanna?

[Jakobína Ingunn Ólafsdóttir, 6.1.2009 kl. 03:28]

Þetta er hrikalegur veruleiki...

...og skömm af veruleikafyrrtum mönnum eins og Árna Páli.

[Þráinn Jökull Elísson, 6.1.2009 kl. 09:23]

Ég veit ekki hvað veffarinn á við, að tala um að loka á samskiptaleiðir. Ég viðurkenni fúslega að ég veit ekkert um samskipti(viðskipti)okkar við Ísrael fyrir utan Jaffa appelsínukaupin, en við getum og eigum, að mínu mati að slíta stjórnmálasambandi við Ísrael hið fyrsta. Í mínum augum virka nasistarnir í seinni heimstyrjöld eins og kórdrengir í samanb. við það þjóðarmorð sem Ísraelar eru að fremja núna.

Við komumst vel af án viðskipta(samskipta ) við þá!

[Guðjón Sigþór Jensson, 6.1.2009 kl. 09:24]

Þessi Árni á margt eftir ólært. Furðulegt er að honum hafi verið trúað fyrir jafn miklu valdi og hann hefur. Slit á stjórnmálasambandi er yfirleitt tímabundið og oftast hafa þau tilætluð áhrif. Undantekning er pólitískt sambandsleysi Bandaríkjanna við Kúbu sem varið hefur í hálfa öld án þess að upphaflegur tilgangur þess hafi skilað nokkrum árangri.

Annars er einkennilegt að Ísraelsmenn eða Gyðingar hafi varið undanförnum 18 mánuðum til að æfa þessa hernaðaraðgerð sem í raun er eins og hver önnur slátrun.

Betra hefði verið að þeir hefðu varið þessum miklu fjármunum að efla friðinn í þessum heimshluta. Sennilega er fjárfesting í friði bæði arðvænlegri og hagkvæmari en fjárfesting í hernaði og stríðsbrjálæði.

Mosi

[Rut Sumarliðadóttir, 6.1.2009 kl. 12:18]

Sammála þér.

[Gunnlaugur Ingvarsson (IP-tala skráð) 6.1.2009 kl. 13:45]

Takið eftir hvað Björn Heiðdal i kommenti númer 4 segir hér að ofan um stjórnmálagarpinn Árna Pál.

Já ég man líka eftir þessu rugli í honum um efnahagshrunið Björn og enn ruglar hann af tómu dómgreindarleysi og nú um grafalvarleg utanríkismál.

Takið eftir að þetta er Alþingismaður Samspillingarinnar sem talar og hann situr sem slíkur sem fulltrúi flokksins og varaformaður í Utanríkismálanefnd Alþingis.

Fyrir mér hefur Árni Páll aldrei talað fyrir öðru en hreinum afturhalds- og  hægri sjónarmiðum innan flokksins. Hann hefur talað fyrir hægri stjórn og áframhaldandi margra ára stjórnarsælu með Sjálfstæðisflokknum.

En þetta eru þau sjónarmið sem eru reyndar algerlega ofan á í Samfylkingunni allt með fullu samþykki og með fullri velþóknun í boði formannsins Ingibjargar Sólrúnar Gísldóttur.

Er nema furða að félagshyggju og vinstra fólkið hrynji nú af Samfylkingunni í hundraða tali á degi hverjum.

Flokkurinn á það líka fyllilega skilið. Flokkurinn hefur algerlega brugðist öllum sínum hugsjónum og selt og svikið þjóð sína á altari VALDANNA  !     

[Rúnar Þór Þórarinsson, 7.1.2009 kl. 03:24]

Árni Páll... fáviti. Eina orðið sem mér kemur í hug.

[Baldur Gautur Baldursson, 7.1.2009 kl. 11:27]

Ég tel að þingmaðurinn hafi rétt fyrir sér. Betra að halda sambandi við Ísraela og láta rödd okkar vera heyrða á alþjóðavettvangi. Það sem Ísraelar vilja er að geta staðið í útrýmingarferðum inn á svæði Palestínumanna - óáreittir.  Þeir standa í þjóðernishreinsunum. Það er líklega hverjum manni ljóst. Með yfirburðastöðu sinni (vopnalegri sem fjárhagslegri) geta þeir murkað lífið úr ákveðnum fjölda fólks á dag. Flestir þeirra sem látist hafa eru börn og venjulegir borgarar.

[Eva Benjamínsdóttir, 8.1.2009 kl. 01:49]

Og Ríkisstjórnin gerir ekkert, hvorki innanlands í fjáróreiðunni eftir bankahrunið né í Alþjóðasamfélaginu, alveg máttlaus, ''passive''. - Er hægt að hugsa sér nokkuð átakaminna en þessa Ríkisstjórn. Takk fyrir góðan pistil, kv. eva