Ruðningsíþróttir

Nú keyrði um þverbak - íþróttirnar ryðja burt beinni útsendingu þar sem ný ríkisstjórn landsins er kynnt! Þvílíkt virðingaleysi! Það er byrjað með litlum glugga sem truflar athyglina og svo er fréttaútsendingin stöðvuð.

17. júní 2008 skrifaði ég eftirfarandi á bloggsíðuna mína:

„Það hefur oft verið rætt opinberlega að RÚV ætti að koma sér upp sérstakri íþróttarás í stað þess að láta íþróttirnar sífellt ryðja venjulegri dagskrá af skjánum. Ég held að þessi umræða sé ekki í réttum farvegi. Það er nefnilega staðreynd að RÚV er löngu orðin að íþróttarás. Ekkert sjónvarpsefni nýtur sama forgangs og þegar íþróttir eru annarsvegar virðist aldrei skorta peninga. Á hvaða sviðum keppir RÚV við Stöð 2? Aðalslagurinn hefur staðið um Formúluna og enska boltann!“

Hvað eru menn í Efstaleiti að hugsa? 

 

Slá skjaldborg um heimilin

Athugasemdir

[Þorgrímur Gestsson, 1.2.2009 kl. 23:49]

Þetta var ótrúlegur ruddaskapur og vanvirðing við okkur öll. Ég hringdi á fréttastofuna og kvartaði, og fréttamaðurinn sem svaraði var á sama máli og ég. Svona lagað á ekki að gerast.

[Jóhann Helgi Stefánsson (IP-tala skráð) 2.2.2009 kl. 00:32]

Fullkomlega sammála þér, hefði skilið þetta betur ef Íslendingar hefði verið að keppa á HM en þar sem svo var ekki þá sé ég ekki ástæðu fyrir því að sýna ekki allt blaðamanna viðtalið. Rúv á náttúrulega bara fyrst og fremst að sýna íþróttir sem Íslendingar eru að keppa í og þær sem eru væntanlegar til þess að auka áhorf og áskrifenda fjölda hjá hinum einkareknu stöðvum

[Sólveig Hjálmarsdóttir (IP-tala skráð) 2.2.2009 kl. 00:39]

Þetta var alveg ótrúlega smekklaust. Mér finnst óþolandi hvernig RÚV dengir á mann íþróttum í tíma og ótíma. Það mætti halda að íþróttadeildin ráði öllu á RÚV.                                                                

[Sigurður Sveinsson, 2.2.2009 kl. 08:10]

Ég er næstum viss um að Steingrímur er bara ánægður með það sem gerðist enda var hann einu sinni íþróttafréttamaður. Það er með ólíkindum hvernig fólk getur látið yfir þessu. Reyndar er rískissjóvarpið orðið ömurðin ein enda allt undir stjórn gamalla Vökustaura. Heimsmeistarkeppnin er nú einungis á 2ja ára fresti og þetta var úrslitaleikurinn. Það lá alveg ljóst fyrir þegar útsendingin var rofin að við vorum búin að eignast nýja ríkisstjórn. Fáeinar mínútur eru smámunir. Ég óska nýrri ríkisstjórn velfarnaðar í störfum og vona að þið sem hneykslist náið áttum á ný.

[Kristján Þór Gunnarsson, 2.2.2009 kl. 11:20]

Strákar; þið talið eins og úrillar gamlir karlar :-) !

Það voru íþróttir þegar skjálftin árið 2000 reið yfir. Leikur í EM í fótbolta var að byrja. Ég á heima í Kópavogi og þegar húsið byrjaði að hristast og skjálfa fannst mér athyglisvert að þulirnir sem voru að ræða um leikinn sem átti að fara að byrja; voru sallarólegir ! Það var svo ekki fyrr en nokkrum augnablikum seinna sem þeir urðu skjálftans varir og svipur þeirra og látbragð sýndi undrun og vott af hræðslu.

Þá dreif ég mig út úr húsinu !